ޖުމްހޫރީ ޕާޓީގެ ލީޑަރު އަދި ރިޔާސީ ކެނޑިޑޭޓް އޮނަރަބަލް ގާސިމް އިބްރާހީމް މިއަދު ހަވީރު ހަނިމާދޫއަށް ވަޑައިގަންނަވަން ހަމަޖެހިފައިވާކަމަށް ހަނިމާދޫ ޖޭޕީ ޓީމުން މައުލޫމާތުދެއްވައިފިއެވެ.
ޖޭޕީ ހަނިމާދޫ ޓީމުން ވިދާޅުވީ އެމަނިކުފާނަން މަރުހަބާ ދެންނެވުމަށް މިއަދު ހަވީރު 16:40 އަށް އެޕާޓީގެ ޖަގަހައަށް ޖުމްހޫރީ ޕާޓީގެ ރިޔާސީ ކެނޑިޑޭޓް އޮނަރަބަލް ގާސިމް އިބްރާހީމަށް ތާއީދުކުރާ އެންމެހާ ރައްޔިތުންނަށް ދައުވަތު އަރުވާ ކަމަށެވެ.
އޮނަރަބަލް ގާސިމް އިބްރާހީމް ހަނިމާދޫއަށް މި ވަޑައިގަންނަވަނީ ހދ.އަތޮޅާއި ށ.އަތޮޅުގެ ބައެއް ރަށްތަކަށް ފެއްޓެވި ރިޔާސީ ކެންޕޭން ދަތުރުފުޅުގެ ތެރެއިންނެވެ.
މި ދަތުރުގައި އެމަނިކުފާނުގެ ރަނިންމޭޓް ޑރ.އަމީން އިބްރާހިމް، އަދި ކުރީގެ ރައީސް ޑރ.މުހައްމަދު ވަހީދު ހަސަން މަނިކާއި ކުރީގެ ޓުއަރިޒަމް މިނިސްޓަރ އަލީ ވަހީދު ވެސް ބައިވެރިވެ ވަޑައިގަންނަވައެވެ.
