ޓޫރިޒަމް މިނިސްޓަރު ޑރ. އަބްދުﷲ މައުސޫމް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)އަށް ރޭ ސޮއިކުރައްވައިފި އެވެ.
ޑރ. މައުސޫމް މީގެ ކުރިން ހުންނެވީ ޖުމްހޫރީ ޕާޓީގައި އެވެ. އެ ޕާޓީން ވަކިވެވަޑައިގެންނެވީ މީގެ ދެ ހަފްތާއެއްހާ ދުވަސް ކުރިންނެވެ.
އެމްޑީޕިއަށް ސޮއިކުރައްވައި، މައުސޫމް ވަނީ ޕާޓީގެ މެމްބަޝިޕް ފޯމު ރޭ ރައީސާ ހަވާލުކުރައްވައިފަ އެވެ.
ޑރ. މައުސޫމް މިނިސްޓަރު ކަމަށް ވަޑައިގެންނެވީ މި ސަރުކާރުގެ ކޯލިޝަންގެ ތެރެއިން ޖުމްހޫރީ ޕާޓީއަށް ލިބުނު ސްލޮޓެއްގައި އެވެ. ރިޔާސީ އިންތިހާބުގައި ގާސިމް ވަކިން ވާދަކުރައްވަން ނިންމެވި ފަހުން، އޭނާ ހުންނެވީ ޖޭޕީގެ ހަރަކާތްތަކާ ދުރުގައި އެވެ.
