އެމްޑީޕީގެ ރިޔާސީ ކެންޑިޑޭޓް، ރައީސް އިބްރާހިމް މުހައްމަދު ސޯލިހު ރިޔާސީ އިންތިހާބު ކާމިޔާބުކުރައްވާނީ 56 ޕަސެންޓަށްވުރެ މަތިން ވޯޓު ހޯއްދަވައިގެން ކަމަށް އެމްޑީޕީގެ ޗެއާޕާސަން، އިކޮނޮމިކް މިނިސްޓަރު ފައްޔާޒް އިސްމާއީލް ވިދާޅުވެއްޖެއެވެ.
ކާނިވާ ސަރަހައްދުގައި ރޭ ބޭއްވި ރައީސް ސޯލިހުގެ ކެމްޕޭން ޖަލްސާގައި ވާހަކަދައްކަވަމުން ފައްޔާޒް ވިދާޅުވީ އިތުރުވާ ކޮންމެ ދުވަހަކީ އެ 65 ޕަސަންޓު އިތުރުވާނެ ދުވަހެއް ކަމަށާއި އެކަމާ އެއްވެސް ޝައްކެއް ނެތް ކަމަށެވެ.
” 56؛ޕަސަންޓަށްވުރެ އެންމެ ވޯޓެއް ވެސް މަދެއް ނުވާނެ. ވަރަށް ޔަގީންކަމާއެކު މި ދަންނަވަނީ ތިޔަބޭފުޅުން އަޅުގަނޑު ހޮވީ މި ޕާޓީ ހިންގާލަންށޭ. އިރާދަކުރެއްވިއްޔާ ސެޕްޓެމްބަރު ނުވައެއްގައި އަޅުގަނޑުމެން މި އިންތިހާބު ކާމިޔާބުކުރާނީ ބޮޑުކޮށް. އަދި ހާއްސަކޮށް އައްޑޫ އާއި މާލޭގެ ބޮޑު މެޖޯރިޓީއާ އެއްކޮށް،” މިނިސްޓަރު ވިދާޅުވިއެވެ.
ފައްޔާޒް ވިދާޅުވީ އިންތިހާބު މިހާރު ނިމިއްޖެ ކަމަށާއި ވޯޓުލާން ހައްގުވާ މީހުންގެ ފަސް ޕަސަންޓް ޖަލްސާއަށް ވެސް އައިސްފައިވާ ކަމަށެވެ. އަދި ފެންނަމުންދާ މަންޒަރަކީ ބޮޑުތަނުން ވާދަވެރިން ދަށްވެގެންދާ މަންޒަރު ކަމަށް ވިދާޅުވިއެވެ.
ފައްޔާޒް އިތުރަށް ވިދާޅުވީ އަފްޣާނިސްތާނުގައި ހިނގާ ކަންކަން ރާއްޖެއިން ފެންނަ ބޭނުންނުވާ ކަމަށާއި އެކަމާ ޒުވާނުންނާއި އަންހެނުން ވަރަށް ފުންކޮށް ވިސްނަން ޖެހޭ ކަމަށެވެ. އަދި އެއީ ބިރުވެރިކަން އޮތީމަ ދައްކަވާ ވާހަކައެއް ކަމަށް ވިދާޅުވިއެވެ.
ހުވަފެން ނުދެކޭ ދުއާ އަކީ ނޮހޮވުން