މ. އަތޮޅުގައި ދެމުން އައި ފެރީގެ ޚިދުމަތް އިތުރަށް ފުޅާ ކުރުމުގެ ގޮތުން ސްޕީޑް ފެރީގެ ޚިދުމަތް މިއަދު ފަށައިފިއެވެ.
ސްޕީޑް ފެރީގެ ގޮތުގައި ބޭނުންކުރާ ލޯންޗު ތަކަކީ އެއްފަހަރާ 45 ފަސިންޖަރުންނަށް ދަތުރުކުރެވޭ ގޮތަށް ފަރުމާ ކޮށްފައިވާ އުޅަނދު ތަކެކެވެ.
މި ޚިދުމަތް ހަފުތާއަކު ތިން ދުވަހު މ. އަތޮޅުގެ ހުރިހާ ރަށްތަކަށް ލިބޭނެއެވެ. މި ފެރީ ތަކުގެ ޝެޑިއުލް އެމްޓީސީސީ ވެބްސައިޓުން ލިބޭނެއެވެ.
އެ ގޮތުން މިއަދުން ފެށިގެން އެއް ހަފްތާގެ މުއްދަތަކަށް ސްޕީޑް ފެރީގެ ދަތުރުތަށް ކަސްޓަމަރުންނަށް ހިލޭ ކުރެވޭނެއެވެ.
މި ހިލޭ ދަތުރުތަށް ކުރުމުގެ މައިގަނޑު މަގުސަދަކީ ސްޕީޑް ފެރީ ބޭނުން ކުރާ ކަސްޓަމަރުން އެ ޚިދުމަތަށް އަހުލުވެރި ކޮށް އެ ޚިދުމަތް ރަނގަޅަށް ތަޖުރިބާ ކުރުމުގެ ފުރުސަތު ކަސްޓަަމަރުންނަށް ދިނުމުގެ އިތުރުން ކަސްޓަމަރުންގެ ޚިޔާލާ އެއްގޮތަށް ޚިދުމަތުގެ ފެންވަރު ރަނގަޅު ކުރުމެވެ.
