ފޯރި ގަދަ ފުނަދޫ ކައުންސިލް ކަޕް 2020(8ވަނަ އިންޓަރ އޮފީސް ފުޓްސަލް މުބާރާތް) ގެ ފައިނަލް މެޗުތައް މިރޭ ކުޅުމަށް މިރޭއަށް ތާވަލްކޮށްފިއެވެ. މި މުބާރާތަކީ ފުނަދޫ ކައުންސިލްގެ ފަރާތުން 2012 ވަނަ އަހަރުންފެށިގެން އިންތިޒާމްކޮށްގެން ބާއްވަމުން އަންނަ މުބާރާތެކެވެ. މިއީ މިމުބާރާތް ބާއްވާ 8 ވަނަ އަހަރެވެ.
މި މުބާރާތުގެ އަންހެން ޑިވިޒަންގެ ފައިނަލުގެ ފުތަމަޖާގަ އެއާޕޯޓް ކާމިޔާބުކުރީ މިމަހުގެ 4ވަނަ ދުވަހުގެ ރޭ ޕޮލިސް ލޭޑީޒް ވާދަކޮށް 3-2 މޮޅުވެގެންނެވެ.
ފައިނަލުގެ ދެވަނަ ޖާގަ ކަށަވަރު ކުރުމަށް ދެވަނަ ސެމީ ފައިނަލް މެޗުން މޮޅުވާ ޓީމް އާއި ފުރަތަމަ މެޗުން ބަލިވާ ޓީމް ވާދަކުރަން ޖެހެއެވެ. އެގޮތުން ދެވަނަ ސެމީގައި ފުނަފަތި (އެސްއާރުސީ) އާއި ވާދަކޮށް 5-0 ންމޮޅުވީ މަގޭސާފު ފުނަދޫއެވެ. މިމެޗުން މަގޭސާފު ފުނަދޫ މޮޅުވުމުން ފައިނަލުގެ ދެވަނަ ޖާގަ ކަށަވަރު ކުރުމަށް މަގޭސާފު ފުނަދޫ އާއި ޕޮލިސް ލޭޑީޒް ވަނީ ސެމީ ފައިނަލް 3 ވަނަ މެޗު ކުޅެފައެވެ. މިމަހުގެ 6 ވަނަ ދުވަހުގެރޭ ކުޅެވުނު މެޗު 3-1 ކާމިޔާބު ކުރީ ޕޮލިސް ލޭޑީޒް އެވެ. މި ނަތީޖާގެ ސަބަބުން
ޕޮލިސް ލޭޑީޒްއަށްވަނީ ފައިނަލުގެ ދެވަނަޖާގަ ކަށަވަރުވެފައެވެ.
މިރޭ 21:00 ކުޅުމަށް ހަމަޖެހިފައިވާ އަންހެން ޑިވިޒަންގެ ފައިނަލް މެޗުގައި ވާދަކުރާނީ އެއާޕޯޓް އަދި ޕޮލިސް ލޭޑީޒްއެވެ.
މިރޭ މި މުބާރާތުގެ ފިރިހެން ޑިވިޒަންގެ ފައިނަލްވެސް ކުޅުމަށްވަނީ ތާވަލްކޮށްފައެވެ. އެގޮތު މި މެޗުގައި ވާދަކުރާނީ ފުރަތަ ސެމީން މޮޅުވި ޕޮލިސް ފެމިލީ އާއި ސެމީ 3 ވަނަ މެޗުން މޮޅުވި ހޮސްޕިޓަލް އެވެ. މެޗު ކުޅުމަށް ހަމަ ޖެހިފައި ވަނީ މިރޭ 20:00 ގައެވެ.
ފުރަތަމަސެމީ ފައިނަލް މެޗުގައި ހޮސްޕިޓަލް އަދި ޕޮލިސް ފެމިލީ ކުޅުނު މެޗު 2-2ން އެއްވަރުވުމުން ޕެނަލްޓީ ޖަހައިގެން ކާމިޔާބުކުރީ ޕޮލިސް ފެމިލީއެވެ. މި މެޗުގައި ވަނީ
ޕޮލިސް ފެމިލީ އިން ޖެހި 4 ޕެނަލްޓީއިން 3 ޕެނަލްޓީ ކާމިޔާބު ކޮށްފައެވެ. ހޮސްޕިޓަލަށް ކާމިޔާބުކުރެވުނީ ޖެހި 4 ޕެނަލްޓީގެތެރެއިން 1 ޕެނަލްޓީއެވެ.
މިމެޗުން ހޮސްޕިޓަލް ބަލިވުމުގެ ސަބަބުން 3 ވަނަ ސެމީ ފައިނަލް މެޗުގައި ހޮސްޕިޓަލް އަށް ވަނީ 2 ވަނަ ސެމީ މޮޅުވި ސީޕީއެޗް އަށް ކުޅެން ޖެހިފައެވެ. ސީޕީއެޗް ސެމީގެ ދެވަނަމެޗުގައި ވާދަކުރީ ޕޮލިސް ޔުނައިޓެޑް އާއެވެ. އެމެޗު ސީޕީއެޗް ކާމިޔާބު ކުރީ 9:2 ގެ ތަފާތުބޮޑު ނަތީޖާއަކުންނެވެ.
ފައިނަލުގެ ދެވަނަ ޖާގަ ކަށަވަރު ކުރުމަށް ފުރަތަމަ ސެމީން ބަލިވާ ޓީމް އަދި 2 ވަނަ ސެމީއިން މޮޅުވާޓީމް 3 ވަނަ ސެމީއެއް ކުޅެން ޖެހެއެވެ. އެހެން ކަމުން މި މަހުގެ 6 ވަނަ ދުވަހުގެރޭ ވަނީ 3 ވަނަ ސެމީއެއް ކުޅެފައެވެ. މި މެޗުގައި ވާދަކުރީ ސެމީގެ ފުރަތަމަ މެޗުން ބަލިވި ހޮސްޕިޓަލް އަދި ސެމީގެ ދެވަނަމެޗުން މޮޅުވި ސީޕީއެޗް އެވެ. ސެމީގެ ތިންވަނަމެޗް 1-5ން ސިޕީއެޗް ބަލިކޮށް ފައިނަލްގެޖާގަ ކާމިޔާބު ކުރީ ހޮސްޕިޓަލެވެ.
ފައިނަލްމެޗަށްފަހު މުބާރާތް ނިންމުމުގެ ރަސްމިއްޔާތު ބޭއްވުމަށްވަނީ ހަމަޖެހިފައެވެ.
ފޮޓޯ: ފުނަދޫ ސްޕޯރޓްސް އަދި އިންޓައޮފީސް ފުޓްސަލް ޓޯނަމެންޓް
