ޑްރޯނެއް ބޭނުންކޮށްގެން މާފުށީ ޖަލަށް ވައްދަން އުޅުނު ފޯނުތަކަކާއި ވައިފައި ރައުޓަރަކާއި އަދި ބައެއް އެހެން ތަކެތި އަތުލައިގެންފިއެވެ.
ކޮމިޝަނަރ އޮފް ޕްރިޒަންސް އަޙްމަދު މުޙައްމަދުފުޅު ކުރެއްވި ޓްވީޓެއްގައި ވަނީ ޑްރޯން ބޭނުން ކޮށްގެން މާފުށީ ޖަލަށް އެތެރެ ކުރަން އުޅުނު އެއްޗެހިތަކެއް ކަރެކްޝަނަލް ސާވިސްގެ އޮފިސަރުން ރޭ އަތުލައިގެންފައިވާކަން ކަށަވަރު ކޮށްދެއްވާފައެވެ.
ކޮމިޝަނަރ އޮފް ޕްރިޒަންސް ވިދާޅުވީ މާފުށީ ޖަލަށް ޑްރޯނެއްގައި އެތެރެ ކުރަން އުޅެނިކޮށް އަށް މޯބައިލް ފޯނާއި ހަޗާޖަރާއި ވައިފައި ރައުޓަރަކާއި ޔޫއެސްބީ ކޭބަލްތަކަކަކާއި ދެސިމް ކާޑު އަތުލައިގެންފައިވާ ކަމަށެވެ.
