ސާއްބަ އެކުވެރި ކުލަބުގެ ފަރާތުން އިންތިޒާމު ކޮށްގެން މުޅިރަށަށް ހުޅުވާލައިގެން ކޮންމެ ދެ އަހަރުން އެއް އަހަރު ބާއްވަމުން އަންނަ ސާއްބަ އެނިވާސަރީ ކަޕް 2020 ފުޓްބޯޅަ މުބާރާތުގެ ގުރުއަތުލުން ބާއްވައިފިއެވެ.
މި މުބާރާތުގެ ގުރުއަތުލުން ބާއްވާފައިވަނީ ހަނިމާދޫ ބުރޭކް ޓައިމް ގައި މިރޭ ބޭއްވި ކުޑަކުޑަ ރަސްމިއްޔާތެއްގައެވެ. މި އަހަރުގެ މުބާރާތުގައި ޖުމުލަ ހަ ޓީމު ބައިވެރިވެފައި ވެއެވެ. އެ ޓީމުތަކަކީ ޔުނީފޯމް، ރިއަލް ސްޓަރސް، ރޫހް، ޝީލްޑް، އަހުލީ އަދި ޔޫތު ފުރެންޑްސްއެވެ.
މި އަހަރުގެ މުބާރާތުގެ މެޗުތައް ކުޅުމަށް ހަމަޖެހިފައިވަނީ ހަނިމާދޫ ރަސްމީ ފުޓުބޯޅަ ދަނޑުގައެވެ. މި މުބާރާތް ރާވާލެވިފައިވަނީ ކޮންމެ ޓީމެއް ކޮންމެ ޓީމަކާއި ވާދަކޮށް އެންމެ ގިނަ ޕޮއިންޓު ހޯދާ ޓީމަކަށް ފައިނަލުގެ ފުރަތަމަ ޖާގަ ލިބޭ ގޮތަށެވެ. ފައިނަލުގެ ދެވަނަ ޖާގަ ލިބިގެންދާނީ ފުރަތަމަ ބުރު ނިމޭއިރު ޕޮއިންޓު ޓޭބަލުގެ ދެވަނަ ޓީމާއި ތިންވަނަ ޓީމުގެ މެދުގައި ކުޅެވޭ ސެމީ ފައިނަލުގެ މެޗުން މޮޅުވާ ޓީމަކަށެވެ.
މި މުބާރާތުގައި ޖުމުލަ 17 މެޗު ކުޅުމަށް ހަމަޖެހިފައިވާއިރު، މި މުބާރާތް ފެށުމަށް ހަމަޖެހިފައި ވަނީ 18 ޑިސެމްބަރު 2020 ވާ ހުކުރު ދުވަހުގެ ހަވީރު 16:00 ގައެވެ. މުބާރާތް ހުޅުވާ މެޗުގައި ބައްދަލު ކުރާނީ އެންމެ ފަހުގެ ޗެމްޕިއަން ޔޫތު ފުރެންޑްސް އާއި ޔުނީފޯމް އެވެ.
މި ހަފުލާގައި ވަނީ ސާއްބަ އެކުވެރި ކުލަބުގެ ފަރާތުން މި މުބާރާތުގައި ބޭނުން ކުރާނެ ޓީޝާޓްތަކުގެ އިތުރުން ޓީމް ތަކުން ބޭނުކުރާނެ އޮފިޝަލުންގެ އަދި ކުޅުންތެރިންގެ ޖާޒީ ދައްކާލާފައެވެ.
މިހަފުލާގައި ކައުންސިލްގެ ރައީސް ވަނީ ވާހަކަ ދައްކަވާފައެވެ. އެގޮތުން މުބާރާތައް ދެއްވާ ތަރުހީބަށް ޒުވާނުނަން ވަނީ ޝުކުރު އަދާކޮށްފައެވެ. އަދި އަހުމަދު ޖަލީލުގެ ފަރާތުން ހަނިމާދޫ ފުޓް ބޯޅައަށް ދެއްވާ އެއްބާރުލުމަށާއި އެންޖެރީވާ ކުޅުންތެރިންނަށް ފަރުވާ ކުރުމުގައި ބަހައްޓަވާ އޯގާތެރިކަން ފާހަގަކޮށް ޝުކުރު އަދާ ކޮށްފައިވެއެވެ. ހަނިމާދޫގައި ހިންގާ އެންމެހައި ހަރަކާތްތައް ޕުރޮމޯޓްކޮށް އާމުންނަ ހަމައަށް ގެނެސްދިނުމުގައި ގޮށްކޮޅުން ކުރައްވާ މަސައްކަތް ފާހަގަކޮށް ވަނީ ޝުކުރު އަދާކޮށްފައެވެ.
އަހުމަދު ޖަލީލު
ސާއްބަ އެނިވާސަރީ ކަޕް 2020 ގެ މީޑިޔާ ޕާރޓްނަރަކީ ގޮށްކޮޅެވެ.
މި މުބާރާތުގެ މެއިން ސްޕޮންސަރަކީ ހަނިމާދޫ ދާއިރާގެ މެންބަރު ޢަބްދުލް ޢަފޫރު މުސާއެވެ. ކޯ ސްޕޮންސަރުންނަކީ ހަނިމާދޫ ކައުންސިލް، ބްރޭކް ޓައިމް، ސެރީލިޔަން، ސީ ކިންގް އަދި ހެޕީ މާކެޓެވެ.
