ކުރީގެ ރައީސް އަބްދުﷲ ޔާމީންގެ ގާނޫނީ ވަކީލުންގެ ތެރޭގައި ހިމެނޭ އަބްދުﷲ ސިޔާޒު، އިކޮނޮމިކް މިނިސްޓްރީގެ ސްޓޭޓް މިނިސްޓަރަކަށް އައްޔަންކުރައްވައިފި އެވެ.
އެ މަގާމަށް ޝިޔާޒު އައްޔަނުކޮށްފައިވާކަން ރައީސް އޮފީހުން ވަނީ ކަށަވަރުކޮށްދީފައެވެ.
ރައީސް ޔާމީންގެ ވެރިކަމުގައި ސިޔާޒު ވަނީ އިކޮނޮމިކް މިނިސްޓްރީގެ ޑެޕިއުޓީ މިނިސްޓަރެއްގެ މަގާމު ފުރުއްވާފަ އެވެ.
އިކޮނޮމިކް މިނިސްޓްރީގައި ސިޔާޒުއާ އެކު ފަސް ސްޓޭޓް މިނިސްޓަރުން ތިއްބަވަ އެވެ. އަދި އެ މިނިސްޓްރީގައި ހަ ޑެޕިއުޓީ މިނިސްޓަރުންވެސް ތިއްބަވަ އެވެ.
ރައީސް ޔާމީން ޕީޕީއެމް ޕީއެންސީ އިން ވަކިވެވަޑައިގެން މިހާރު ވަނީ ޕީއެންއެފްގެ ނަމުގައި އާ ސިޔާސީ ޕާޓީއެއް އުފައްދަވާފަ އެވެ.
