ހަނިމާދޫ ޒުވާނުންގެ ޖަމިއްޔާއަށް 82،000 (އަށްޑިހަ ދެހާސް ރުފިޔާ)، ހަނިމާދޫ ކައުންސިލުން ދޭން ނިންމައިފިއެވެ.
ހަނިމާދޫ ކައުންސިލުން ހާމަކޮށްފައިވާގޮތުން ކުޅުދުއްފުށި ސިޓީ ޗެމްޕިއަންޝިޕް 2024 ގައި ބައިވެރިވުމަށްޓަކައި ހަނިމާދޫ ޒުވާނުންގެ ޖަމިއްޔާއިން ފޮނުވާފައިވާ ސިޓީގައި ހިމަނާފައިވާ ޖުމްލަ ޚަރަދުގެ ގޮތުގައި އެދިލައްވާފައިވާ 82،000ރ (އަށްޑިހަ ދެހާސް ރުފިޔާ) ހަނިމާދޫ ޒުވާނުންގެ ޖަމިއްޔާއަށް ދިނުމަށް އެކައުންސިލްގެ 143 ވަނަ ޖަލްސާގައި 04 މެމްބަރުންގެ އިއްތިފާގުން ވަނީ ފާސްކޮށްފައި ކަމަށެވެ.
މިފައިސާ ހަމަޖެއްސީ ހަނިމާދޫ ކައުންސިލްގެ ކުޅިވަރު ބަޖެޓުތެރެއިން ކަމަށް ހަނިމާދޫ ކައުންސިލުން މައުލޫމާތު ދެއްވައެވެ.
ހަނިމާދޫ ކައުންސިލުން ޖަމިއްޔާތަކަށް އެހީވުމަށް ވެސް ބަޖެޓުގައި ހިމަނާފައިފައިވާނެކަމަށް އެ ކައުންސިލުން މައުލޫމާތުދެއެވެ.
މީގެއިތުރުން ކުޅުދުއްފުށީ ޗެމްޕިއަން ޝިޕް ގައި ވާދަކުރާ ހދ.ހަނިމާދޫ ޒުވާނުން ޖަމިއްޔާގެ ޓީމާއި ކުޅިވަރާއި ހަށިހެޔޮކަމާއި ބެހޭ ވަޒީރު އަލްފާޟިލް ޢަބްދުﷲ ރާފިޢު މިމަހު 19 ވަނަ ދުވަހު ބައްދަލުކޮށް ވަނީ އެ ޖަމިއްޔާއަށް އެވުޒާރާއިން 20،000 ރުފިޔާގެ އެހީތެރިކަންފޯރު ކޮށްދޭނެ ކަމަށް ވިދާޅުވެފައިވެއެވެ.
