ހަނިމާދޫ ކައުންސިލްގެ ނައިބު ރައީސް މިފަދައިން ގޮވާލެއްވީ ދާދި ދެންމެ ފޭސްބުކްގައި ޝާއިޢުކުރެއްވި ޕޯސްޓެއްގައެވެ.
“ކުރަމުންދާ ވިއްސާރައިގައި ރަށުގެ ގިރާ ސަރަހައްދު ހިމާޔަތް ކުރުުމުގެ މަސައްކަތައް ހަނިމާދޫ ކްލަބް، ޖަމިއްޔާތަކާއި، ރައްޔިތުންގެ އެހީތެރިކަމަށް އެދެން” ނައިބު ރައީސް
މި މަސައްކަތަށް އެހީތެރިވެވަޑައިގަންނަވަން ބޭނުންފުޅުވާ ފަރާތްތަކުން މިރޭ 20:00 ގައި ބާ ސްކޫލާއި ދިމާލަށް ވަޑައިގަތުމަށް އެދިވަޑައިގެންފައިވެއެވެ.
ހަނިމާދޫ ބަނދަރުގެ އުތުރު ފަރާތް އާދަޔާއި ޚިލާފަށް ގިރަން ފެށުމާއި ގުޅިގެން، އެ ސަރަހައްދު ޙިމާޔަތްކުރުމަށް ހަނިމާދޫ ކައުންސިލުން އިސްނަގައިގެން މަސައްކަތް ފަށާފައިވަނީ އިއްޔެގެ ވަގުތެއްގައެވެ.
މީގެ އިތުރުން، ހަނިމާދޫއަށް ރޭގެ ވަގުތުން ފެށިގެން މެދުނުކެނޑި ވާރޭވެހެމުންދާތީ، ހޮނޑައިދޫ އަވަށާއި ހަތިފުށި އަވަށް ގުޅޭ ސަރަހައްދުގައި ފެންބޮޑުވެފައިވެއެވެ. އެ ސަރަހައްދުން ފެން ބޭރުކުރުމަށްޓަކައި މިހާރު ވަނީ މޫދަށް ކޯރު ކަނޑާފައެވެ.
އަދި ހަނިމާދޫ ސްކޫލުގެ ގޯތިތެރެއިން ފެންހިންދުމުގެ މަސައްކަތުގައި އެއަރޕޯޓް ފަޔަރުން ދަނީ ހަރަކާތްތެރިވަމުންނެވެ.
