ހދ.ހަނިމާދޫގެ ލޭންޑް ޔޫސް ޕްލޭން ރިވިއުކުރުމަށްފަހު ވަރަށް އަވަހަށް ގޯތި ދިނުމުގެ މަސައްކަތް ފަށާނެކަމަށް ހަނިމާދޫގެ ކައުންސިލްގެ ނައިބު ރައީސް ފިރާޤު މުޙައްމަދު ވިދާޅުވެއްޖެއެވެ.
ސްޓޫޑެންޓް ޖާނަލިޒަމް ޕްރޮގްރާމްގެ ދަރިވަރުންނަށް ދެއްވި އިންޓަވިއުއެއްގައި ފިރާޤު ވިދާޅުވީ ހަނިމާދޫގެ ލޭންޑް ޔޫސް ޕްލޭން ރިވިއުކުރުމަށްފަހު މިހާރު ދޫކޮށްފައި ހުރި ގޯތިތަކުގެ އިތުރަށް އައު ގޯތިތަކެއް ވަރަށް އަވަހަށް ދިނުމުގެ މަސައްކަތް ފަށާނެކަމެވެ.
ހަނިމާދޫގައި ގޯތި ދޫނުކުރާތާ 20 އަހަރަށްފަހު 2024 ވަނަ އަހަރު ޖަނަވަރީގައި 200 ގޯތި ދޫކޮށްފައެވެ. ނަމަވެސް ނުލިބޭ ބައިވަރު މީހުން އެބަތިއްބެވެ. މީގެ ކުރިން އައި ދައުރުތަކުގައި ވެސް މިރަށުން ގޯތި ދިނުމަށް ވަނީ މަސައްކަތް ކޮށްފައެވެ.ފިރާޤު އިތުރަށް ވިދާޅުވީ އަދި އެއް ފަހަރު ގޯތި ދިނުމަށް ތައްޔާރީތައް ވަމުންދާކަމަށެވެ.
ފިރާޤު ވިދާޅުވީ މި ދައުރުގެ (އިބުރާހިމް މުހައްމަދު ޞާލިހުގެ ވެރިކަމުގައި) ފުރަތަމަ އަހަރު ގޯތި ދޫކުރެވިފައިވާކަމީ ރައްޔިތުން ފަޚުރުވެރިވާން ޖެހޭ ކަމެއް ކަމަށާއި، މިއީ ވަރަށް ބޮޑު ކުރިއެރުމެއްކަމަށެވެ.
އެންމެ އުފާވާ ކަމެއްކަމަށް ފާހަގަ ކޮށްފައިވަނީ ލިބުނު މައުލޫމާތު ދޮގުނޫންނަމަ ދިވެހިރާއްޖޭގައި މި ދައުރުގައި އެންމެ ފުރަތަމަ ގޯތި ދޫކޮށްފައިވަނީ ހަނިމާދޫގައި ކަމަށް ވުމުން ކަމުގައެވެ. އަދި ހަނިމާދޫ ކައުންސިލުން ހެދި ގޯތި ދޫކުރުމުގެ އުސޫލުތައް މުޅި ދިވެހިރާއްޖެ ގެ ހުރިހާ ރަށެއްގައި ވެސް ބޭނުންކުރިކަމަށެވެ. ހުރިހާ ކައުންސިލްތަކުން ވެސް ގުޅާފައި މިވެނި ޕޮއިންޓެއް މިހެން މިއޮތީ ކީއްވެހޭ، މިހެން ހެދީ ކީއްވެތޯ އޮޅުންފިލުވިކަމަށް ފިރާޤު ވިދާޅުވިއެވެ. މީ ވަރަށް ބޮޑު ކުރިއެރުމެއްކަމަށް ވެސް ފިރާޤު އިތުރަށް ވިދާޅުވިއެވެ.
އެޑިޓޯރިއަލްގެ ބަސް: މިއީ ގޮށްކޮޅު އަދި މީޑިއާ ކައުންސިލު ގުޅިގެން، ހަނިމާދޫ ސްކޫލުގެ ދަރިވަރުންނަށް އަމާޒުކޮށް މި މަހުގެ 15 އިން 17 އަށް ކުރިއަށްގެންދިއަ “ސްޓޫޑެންޓް ޖާނަލިޒަމް ޕްރޮގްރާމް” ގެ ބައިވެރިންގެ ފައިނަލް އެސައިންމަންޓަށް ތައްޔާރުކޮށްފައިވާ ލިޔުމެކެވެ. މި ލިޔުން އަސާސްކޮށްފައިވަނީ ހަނިމާދޫ ކައުންސިލުގެ ނައިބު ރައީސް، ފިރާޤު މުޙައްމަދު ދެއްވި އިންޓަވިއުގައި ހިއްސާކުރެއްވި މަޢުލޫމާތުގެ މައްޗަށެވެ.
