2 ވަނަ ތިލަދުން އިންޓަރ ސްކޫލް ސްވިމިންގ މުބާރާތުގެ ހަނިމާދޫ ސްކޫލް ޓީމަށް ހިތްވަރު ދިނުމުގެ ގޮތުން ހަނިމާދޫ ސްކޫލްގެ އެސް އެމް ޓީ މެމްބަރުން ބައްދަލު ކުރައްވައިފި އެވެ.
މި ބައްދަލުވުމުގައި ޓީމުގެ ކޯޗު އަދި ޕީ ޓީ އޭ ގެނާއިބުރައީސް ، ސްކޫލް ޕްރިންސިޕަލް ދަރިވަރުންނާ މުޚާޠަބުކޮށް ހިތްވަރު ދެއްވާފައިވެއެވެ.
މި މުބާރާތުގައި 16 އަހަރުން ދަށް، 14 އަހަރުން ދަށުގެ އުމުރު ފުރައިން، އަދި 12 އަހަރުން ދަށުގެ އުމުރު ފުރައިން ޖުމުލަ 20 ބައިވެރިން ބައިވެރިވެފައިވެއެވެ.
މިއީ ސްވިމިންގ މުބާރާތެއްގައި ހަނިމާދޫ ސްކޫލުން ބައިވެރިވާ ފުރަތަމަ ފަހަރެވެ.
މި މުބާރާތް ކުރިއަށްދާނީ އޯގަސްޓް 26 އިން 31 އަށް ކުޅުދުއްފުށި ސިޓީގައެވެ.
