ފުލުހުން މީޑިއާތަކަށް މައުލޫމާތު ދިން ގޮތުގައި މި ހަދިސާ ހިނގައިފައިވަނީ މާލޭ ޖަހާމުގުރި ގޯޅީގައެެވެ. އެގޮތުން އެ ގޯޅީގައި ހުރި ގެއެއްގެ ހަވަނަ ފަންގިފިލާއެއް ކުޑަދޮރެއް ވެއްޓި ރިޕޯޓުކޮށްފައިވަނީ މިރޭ 19:12 ހާއިރުކަމަށް ފުލުހުން ބުންޏެވެ.
ފުލުހުން ބުނީ މި ހާދިސާގައި އަނިޔާވީ އެ ވަގުތު ސައިކަލެއް ޕާކުކުރަން އުޅުނު މީހަކަށް ކަމަށެވެ. އެގޮތުން ބިއްލޫރިގަނޑު ވެއްޓި ތަޅައިގެން ގޮސް އޭނާގެ ގަޔަށް ބިއްލޫރިތައް ބުރީކަމަށް ފުލުހުން ބުންޏެވެ.
އަނިޔާވީ ދިވެހި ފިރިހެނަކަށް ކަމަށާއި، އޭނާ އައިޖީއެމްއެޗަށް ގެންގޮސް ފަރުވާ ދެމުން އަންނަކަމަށް ފުލުހުން ބުންޏެވެ.
އެއާއެކު މި ހާދިސާއާ ގުޅިގެން ބަލަންޖެހޭ ކަންކަން ބަލަމުން އަންނަކަމަސް ވެސް ފުލުހުން ބުންޏެވެ.
