ގެއްލިގެން ހޯދަމުން އަންނަނީ އައްޑޫ ސިޓީ ހިތަދޫ، ބީޗް ރެސްޓް، ނާއިލާ ހަސަން ދީދީ އެވެ.
ނާއިލާގެ އާއިލާ މެންބަރަކު، އޮންލައިން ނޫސް، އައްޑޫ ލައިވަށް މައުލޫމާތުދެމުން ބުނެފައިވާގޮތުގައި ނާއިލާގެ ޚަބަރެއް ނުވެގެން ހޯދަމުން އަންނަނީ މިއަދު ހެނދުނު 09:00އިން ފެށިގެންނެވެ. ފޯނުވެސް އޮންނަނީ ނިއްވާލާފައި ކަމަށް އާއިލާއާ ހަވާލާދީ ރިޕޯޓްކޮށްފައިވެއެވެ.
ނާއިލާގެ މައުލޫމާތެއް ލިބިއްޖެނަމަ 6885454 އަށް ގުޅުމަށް އާއިލާއިން އެދިފައިވެއެވެ.
ފުލުހުން ބުނީ އައްޑޫ ސިޓީއިން އަންހެނަކު ގެއްލިގެން މިއަދު މެންދުރު 02:00 ހާއިރު ރިޕޯޓްކޮށްފައިވާކަމަށާއި ބަލަންޖެހޭ ކަންކަން ބަލަމުން އަންނަ ކަމަށެވެ.
