ހދ. ހަނިމާދޫގައި 50 އެނދުގެ ހޮސްޕިޓަލަކާއި ލެބޯޓްރީއެއް އަޅާނެ ފަރާތެއް ހޯދުމަށް ހަނިމާދޫ ކައުންސިލްގެ 154 ވަނަ އާންމު ބައްދަލުވުމަށް އެޖެންޑާ ކޮށްފިއެވެ.
މިކަން ހިމަނާފައިވަނީ ކައުންސިލްގެ ބައްދަލުވުމުގެ އެޖެންޑާގައި ރިޔާސަތުން ހުށަހަޅާ ކަންތައްތަކުގެ ތެރޭގައެވެ.
މީގެ އިތުރުން، ހަނިމާދޫގައި ވޭޕް އަދި ޝީޝާ ވިއްކުން މަނާކުރުމާއި ގުޅޭގޮތުން މަޝްވަރާކުރުމަށް ވެސް މި ބައްދަލުވުމަށް ރިޔާސަތުން ވަނީ ހުށައަޅާފައެވެ.
މި ޖަލުސާ އޮންނާނީ 9 އޮކްޓޯބަރ 2024 ވަނަ ދުވަހު 10:00 ގައި ހަނިމާދޫ ކައުންސިލް ޖަލުސާކުރާ މާލަމުގައެވެ. ކައުންސިލުގެ ޖަލުސާތަކަކީ އާއްމުމުކޮށް ހުޅުވާލައިގެން ބާއްވާ ޖަލުސާތަކެކެވެ.
