ކަތުމަންޑޫގެ ދަޝަރަތު ސްޓޭޑިއަމްގައި ކުޅުނު ސާފް ވިމެންސް ޗެމްޕިއަންޝިޕް 2024 ގެ އެންމެ ފަހުގެ ޗެމްޕިއަން ބަންގްލަދޭޝް ކުޅުނު ފުރަތަމަ މެޗުގައި ޕާކިސްތާނާ ދެކޮޅަށް 1-1 ގެ ނަތީޖާއިން އެއްވަރުވެއްޖެއެވެ.
މެޗުގެ ފުރަތަމަ ހާފުގައި ކައުންޓަރ އެޓޭކެއްގައި ޕާކިސްތާންގެ ޒަހުމަނާ މާލިކް ވަނީ ބަންގްލަދޭޝް ކޮޅައް ލަނޑެއްޖަހާ ލީޑު ނަގައިދީފައެވެ. މެޗްގެ ފުރިހަމަ ވަގުތު ހަމަވެ އިތުރު ވަގުތު ތެރޭގައި ބަންގްލަދޭޝްގެ ޝަމްސުންނަހަރު ޖޫނިއާ ވަނީ ކައިރިން ރިޓޫޕޯނާ ޗަކްމާ ފޮނުވާލި ބޯޅަ ގޯލުގެ ތެރެއަށް ފޮނުވާލާފައި މެޗުގެ ނަތީޖާ 1-1 ކަށް ހަމަހަމަކޮށްދީފައެވެ.
ގްރޫޕް އޭގެ ފަހުމެޗްގައި ބުދަ ދުވަހު ބަންގްލަދޭޝް ބައްދަލުކުރާނީ އިންޑިއާއާއި ދެކޮޅަށެވެ. މިވަގުތު ގްރޫޕް އޭގެ އެއްވަނާގައި އޮތީ 3 ޕޮއިންޓާއެކު އިންޑިއާއެވެ.
