ސާފް ވިމެންސް ޗެމްޕިއަންޝިޕް 2024 ގެ ސެމީ ފައިނަލަށް ނޭޕާލް އަދި ބޫޓާން ދަތުރުކޮށްފި އެވެ.
ޓްރިޕޫރޭޝްވޯރުގައި ހުންނަ ދަޝަރަތު ސްޓޭޑިއަމްގައި ބުރާސްފަތި ދުވަހު ގްރޫޕް ބީގެ މެޗުގައި ބޫޓާން ވަނީ ދިވެހިރާއްޖެ އަތުން 13-0 ލަނޑުން ފައްސޭހަކަމާއެކު މޮޅުވެފައެވެ. އަދި އެގުރޫޕްގެ ދެވަނަ މެޗްއިން ސުރީލަންކާ އަތުން ނޭޕާލް މޮޅުވީ 6-0 ނަތީޖާއިންނެވެ.ނޭޕާލް އަދި ބޫޓާން ވަނީ ފަހު ހަތަރެގެ ޖާގައެއް ހޯދައިފި އެވެ.
މި މޮޅަށް ޑެކީ ލަޒޮމް ފަސް ގޯލް ކަށަވަރުކޮށްދިންއިރު، ޕެމާ ޗޮޑެން ޓްޝެރިންގް އާއި ޓްޝެރިންގް ޔަންގްޑެން ކޮންމެ ކުޅުންތެރިއަކު ދެ ގޯލްގެ އިތުރުން ނަމްގްޔެލް ޑެމާ، ޓްޝެރިންގް ޔަންގްޑެން، ޓްޝެރިންގް ލަޑެން އަދި ސޯނަމް ޗޮޑެން ވަނީ ކޮންމެ ކުޅުންތެރިއަކު އެއް ގޯލު ޖަހައިފަ އެވެ.
މީގެ އިރުތުން، ބުރާސްފަތި ދުވަހު ހަވީރު ޓްރިޕޫރޭޝްވާގެ ލޯކަލް ދަޝަރަތު ސްޓޭޑިއަމްގައި ބޭއްވި މެޗުގައި، މެޗުގެ 8 ވަނަ މިނެޓްގައި ސަބީތާ ރަނަމާގަރ ލަނޑެއް ޖަހައި ނޭޕާލަށް ލީޑު ނަގައިދިންއިރު، މެޗުގެ 11 ވަނަ މިނެޓްގައި ސަބިތުރާ ބަންޑާރީ (ސަމްބާ) ވަނީ 2-0 އިން ނަތީޖާ ނެރެފައެވެ. ހަމައޭގެ ކުޑަ އިރުކޮޅެއްތޭރޭގައި މެޗުގެ 13 ވަނަ މިނެޓްގައި ރެކާ ޕައުޑެލް ލަނޑެއް ޖަހައި މެޗުގެ ނަތީޖާ 3-0 އަށް ބަދަލުކޮށް މެޗުގެ 36 ވަނަ މިނެޓްގައި ފުރަތަމަ ހާފުގައި 4-0 ގެ ނަތީޖާ އިން ނޭޕާލް ވަނީ ލީޑު ނަގައިދިނެވެ. މީގެ އިތުރުން ދެވަނަ ހާފުގައި މެޗުގެ 47 ވަނަ މިނެޓާއި 94 ވަނަ މިނެޓުގައި އަމީޝާ ކާރްކީ އާއި ރަޝްމީ ކުމާރީ ގިސިންގް ވަނީ ލަނޑު ޖަހައިދީފައެވެ.
ގްރޫޕް އޭގެ އެއް ވަނަ ހޯދި ބަންގްލަދޭޝް އާދީއްތަ ދުވަހު ބާއްވާ ފުރަތަމަ ސެމީ ފައިނަލުގައި ގްރޫޕް ބީގެ ރަނަރަޕް ބޫޓާނާ ދެކޮޅަށް ނުކުންނާނެ އެވެ. އަދި ގްރޫޕް ބީގެ އެއްވަނައިގެ ގޮތުގައި ނޭޕާލް ދެން ވާދަކުރާނީ އަންނަ އާދިއްތަ ދުވަހު ބާއްވާ ސެމީ ފައިނަލުގައި ގްރޫޕް އޭގެ ރަނަރަޕް އިންޑިއާއާ ދެކޮޅަށެވެ.
