13 ރަށަކުން ޖުމުލަ 15 ސްކޫލަކުން ވާދަަކުރި ތިލަދެކުނު ޤުރުއާން މުބާރާތުގެ އެއްވަނަ ޖަލާލުއްދީން އިބްރާހިމް މަލްސޫން މުޙައްމަދު ހޯދައިފި އެވެ.
އޭނާއަށް ވަނީ މިއަހަރުގެ ޤުރްއާން މުބާރާތުގެ ކޯ ސްޕޮންސާ ފަރީ ޙައްޖު އެންޑް ޢުމްރާ ގްރޫޕުގެ ފަރާތުން ޢުމްރާ ދަތުރެއް ހަދިޔާ ކޮށްފައެވެ.
މުޅި މުބާރާތުން ދެވަނަ ހޯދީ މަކުނުދޫ ސްކޫލުގެ ނާޔާ ބިންތު އަޒްހަރު އަބުދުލް އަލީމެވެ. އަދި މުޅި މުބާރާތުން ތިންވަނަ ހާސިލުކޮށްފައިވަނީ އަފީފުއްދީން ސްކޫލްގެ މުހައްމަދު ލަސަން ފަޒީލެވެ.
ހަނިމާދޫ އިޖުތިމާޢީ މަރުކަރުގައި ކުރިއަށްދިޔަ މި މުބާރާތުގެ ފަނޑިޔާރުކަން ކޮށްދެއްވާފައި ވަނީ، އަލްޤާރީ އަޙްމަދު ތައުފީޤް، އަލްޤާރީ އިބްރާހީމް ޝަރީޕް، އަދި އަލްޤާރީ މޫސާ އަޙްމަދެވެ.
މި އަހަރު މުބާރާތުގައި ބައިވެރިވެފައިވާ ސްކޫލްތަކަކީ ހިރިމަރަދޫ ސްކޫލް، ހދ.އަތޮޅު މަދަރުސާ (ވައިކަރަދޫ)، ކުރިނބީ ސްކޫލް، އަފީފުއްދީން ސްކޫލް، ޖަލާލުއްދީން ސްކޫލް، މަކުނުދޫ ސްކޫލް، ފިނޭ ސްކޫލް، ނެއްލައިދޫ ސްކޫލް، ނައިވާދު ސްކޫލް، ނޮޅިވަރަން ސްކޫލް، ނޮޅިވަރަންފަރު ސްކޫލް، ނޭކުރެންދޫ ސްކޫލް، ކުމުންދޫ ސްކޫލް، ހދ.އަތޮޅު ތައުލީމީ މަރުކަޒުގެ އިތުރުން ހަނިމާދޫ ސްކޫލެވެ.
