ހަންގޭރީގައި މިހާރު ކުރިއަށްދާ އެޤައުމުގެ 20 ވަނަ ނެޝަނަލް ޝޯރޓްޓްރެކް ޗެމްޕިއަންޝިޕްގައި ދިވެހި ފެތުންތެރިޔާ ޙަމްނާ އަޙްމަދު އަންހެނުންގެ 200 މީޓަރު ބްރެސްޓްސްޓްރޯކް އިވެންޓުގެ ޤައުމީ ރެކޯޑު އާކޮށްފިއެވެ.
ޙަމްނާ މި ރެކޯޑު އާކޮށްފައިވަނީ 3 މިނެޓާއި 0.53 ސިކުންތުން ރޭސް ނިންމައިގެންނެވެ. މިއީ ކުރީގެ ރެކޯޑަށްވުރެ 8 ސިކުންތަށްވުރެ އަވަސްކޮށް ހޯދި ރެކޯޑެކެވެ.
މި އިވެންޓުގެ ކުރީގެ ޤައުމީ ރެކޯޑު އޮތީ އައިޝަތު ސާޖިނާގެ ނަމުގައެވެ. ސާޖިނާ މި ރެކޯޑު ހޯދާފައިވަނީ 2019 ވަނަ އަހަރު ނޭޕާލުގައި ބޭއްވުނު 13 ވަނަ ސައުތު އޭޝިއަން ގޭމްސްގައި 3 މިނެޓާއި 8.91 ސިކުންތުން ރޭސް ނިންމައިގެންނެވެ.
