ޑައިރެކްޓަރު އަމްޖަދު އިބްރާހީމް (އަމްޖޭ) 2009 ވަނަ އަހަރު ނެރުނު ބިރުވެރި ފިލްމު “އުދަބާނި” ގެ ދެވަނަ ބައި ހަނިމާދޫގައި ދެއްކުމަށް ޓިކެޓް ވިއްކަން ފަށައިފިއެވެ.
ޓިކެޓް ހޯދުމަށް 9909537 ނަންބަރަށް ގުޅުމަށް ހަނިމާދޫގައި ފިލްމު ދެއްކުމުގެ މަސައްކަތުގައި އުޅުއްވާ ފަރާތަކުން މަޢުލޫމާތު ދެއްވިއެވެ. ފިލުމު އަޅުވަނީ 14 ނޮވެންބަރ 2024 ވަނަ ދުވަހު ރޭ ހަނިމާދޫ އިޖްތިމާއީ މަރުކަޒުގައެވެ.
މި ފިލްމުގެ ލީޑްގައި ފެންނާނީ އަހްމަދު އީސާ (އާނަންދު)އެވެ. ބަތަލާއެއްގެ ގޮތުގައި ސުހާއެވެ. މީގެ އިތުރުން، ހާމިދު ޢަލީ، އަލީ އާޒިމް (ދޮން އައްޔަ) ނަތާޝާ، ޝަމީލް، މަރިޔަމް ހަލީމް، ޝަކީލާ އަދި ވަހީދު ހިމެނެއެވެ.
މި ފިލްމުގެ މަންޒަރުތައް ނަގާފައިވަނީ ރ. އަތޮޅު މާކުރަތުގައެވެ. މިއީ ފުރަތަމަ ފިލްމު ވެސް ޝޫޓު ކޮށްފައިވާ ރަށެވެ.
“އުދަބާނި” އަކީ އެ އަހަރު އޮލިމްޕަހުގައި އެންމެ ބޮޑު މަގުބޫލުކަމެއް ހޯދި އެއް ފިލްމުކަން ފާހަގަކޮށްލެވެއެވެ. “އުދަބާނި 2” އަށް މި ފިލްމުގެ ފުރަތަމަ ބަޔަށް ލިބުނު ތަރުހީބަށް ވުރެން ބޮޑު ތަރުހީބެއް ލިބޭނެ ކަމަށް ފިލްމު އުފައްދާ ޓީމުން އުއްމީދުކުރެއެވެ.
