ހދ. ހަނިމާދޫ ސްކޫލްގެ ޕޭރަންޓް ޓީޗަރ އެސޯސިއޭޝަން (ޕީޓީއޭ) އިން އިންތިޒާމު ކޮށްގެން ބޭއްވި މަސައްކަތު ދުވަސް ވަރަށް ކާމިޔާބުކަމާއިއެކު ނިންމާލައިފިއެވެ.
މި މަސައްކަތު ދުވަސް ކުރިއަށް ގެންގޮސްފައިވަނީ މިދިއަ ހޮނިހިރު ދުވަހު (9 ނޮވެންބަރު 2024) ހެނދުނު 8:00 އިން 11:30 އަށެވެ.
ޕީޓީއޭގެ ނައިބު ރައީސް ޢަބްދުލް ސަލާމް ގޮށްކޮޅަށް ދެއްވި މަޢުލޫމާތުގައިވާ ގޮތުން، މި މަސައްކަތު ދުވަހުގައި ޖުމްލަ 51،218 ރުފިޔާ ހޯދާފައިވެއެވެ. މަސައްކަތު ދުވަހުގެ ހަރަކާތްތައް ކުރިއަށް ގެންގޮސްފައިވަނީ 13 ގްރޫޕަކަށް ބަހާލައިގެންނެވެ.
ޢަބްދުލް ސަލާމް އިތުރަށް ހާމަކުރެއްވި ގޮތުގައި، މި މަސައްކަތު ދުވަހުގައި އެންމެ ގިނަ ފައިސާ ހޯދާފައިވަނީ ގްރޫޕް 9 ންނެވެ. މި ގްރޫޕުން ޖުމްލަ 8،130 ރުފިޔާ ހޯދާފައިވެއެވެ.
މި މަސައްކަތު ދުވަހަކީ ސްކޫލްގެ ތަރައްޤީއަށް ބޭނުންވާ ފަންޑު ހޯދުމަށް ބޭއްވުނު ހަރަކާތެއް ކަމަށް ސަލާމް ވިދާޅުވިއެވެ. މިފަދަ ހަރަކާތްތަކުގެ ސަބަބުން ދަރިވަރުންގެ ތަޢުލީމީ ފެންވަރު މަތިކުރުމަށް އެހީތެރިވެދޭނެ ކަމަށްވެސް ސަލާމް ވިދާޅުވިއެވެ.
