ފުވައްމުލަކު ސިޓީން ގެއްލިގެން ހޯދަމުންދިޔަ ކުއްޖާ ފެނިއްޖެ އެވެ.
ގެއްލިގެން ހޯދަމުން ގޮސްފައިވަނީ ފުވައްމުލައް، މިސްކިތްމަގު، މާކޯނި އިޒްޔާން ހުޝާމް މުހައްމަދު ،4، އެވެ.
ފުލުހުން ބުނީ އެ ކުއްޖާ މިހާރު ފެނިފައިވާ ކަމަށާއި ކުއްޖާގެ ހާލު ރަނގަޅު ކަމަށެވެ. ނަމަވެސް އެ ކުއްޖާ ފެނުނީ ކޮން ތަނަކުން ކަމެއް ބުނެފައެއް ނުވެ އެވެ.
މި ކުއްޖާ ހޯދުމުގެ މަސައްކަތް ފުލުހުން ފެށީ އެ ކުއްޖާ ގެއްލިފައިވާ ކަމަށް އާއިލާ އިން ރިޕޯޓުކުރުމާ ގުޅިގެންނެވެ. އެ ކުއްޖާ ގެއްލުމުގެ ކުރިން އެންމެ ފަހުން ފެނުނީ މިއަދު ހަވީރު 4:54 ހާއިރު، ފުވައްމުލަކު ދިގުވާޑު ފުލެޓު ނަންބަރު 02 ޖީ 18 ވަނަ ފުލެޓު ފަހަތުން ކަމަށް އާއިލާއާ ހަވާލާދީ ފުލުހުން ބުނެފައިވެ އެވެ.
