މި ބައްދަލުވުމުގައި ހަނިމާދޫގެ އިންޓަނޭޝަނަލް އެއަރޕޯޓް ތަރައްޤީކުރުމުގެ މަޝްރޫޢުގެ މަސައްކަތް ކުރިއަށްދާ ގޮތާއި، ރަށުގެ އެހެނިހެން ތަރައްޤީގެ މަޝްރޫޢުތަކާ ގުޅޭގޮތުން މަޝްވަރާކުރެވުނެވެ.
ބައްދަލުވުމުގައި ހައިކޮމިޝަނަރު، އެއަރޕޯޓް ތަރައްޤީކުރުމުގެ މަޝްރޫޢާއި ގުޅޭގޮތުން ކައުންސިލްގެ އެއްވެސް ކަންބޮޑުވުމެއް އޮތްތޯ ސާފުކުރެއްވިއެވެ. އަދި އެ މަޝްރޫޢަށް އެއްވެސް ބަދަލެއް ނާންނާނެކަމުގެ ޔަޤީންކަން ކައުންސިލަށް ދެއްވިއެވެ.
ހަނިމާދޫ ކައުންސިލުން ވަނީ ހައިކޮމިޝަނަރާ އަރިހުން ހޮސްޕިޓަލާއި ސްކޫލްގެ ކްލާސްރޫމްތަކުގެ ދަތިކަން ފާހަގަކޮށް، އެކަމަށް އެހީތެރިކަން ބޭނުންވާކަން ހާމަކޮށްފައެވެ. އަދި ކުނި ނައްތާލުމުގެ ނިޒާމަށް ބޭނުންވާ މެޝިނަރީގެ އެހީތެރިކަމަށްވެސް އެދުނެވެ.
މިކަންކަމާއި ގުޅޭގޮތުން ޕްރޮޕޯސަލް ހުށަހެޅުމަށް ހައިކޮމިޝަނަރު އެންގެވިކަމަށް ކައުންސިލްގެ ނައިބު ރައީސް ވިދާޅުވިއެވެ.
މި ބައްދަލުވުމަކީ ހަނިމާދޫގެ ތަރައްޤީއަށް މުހިންމު ބައްދަލު ވުމެކެވެ. ޚާއްޞަކޮށް އެއަރޕޯޓް ތަރައްޤީކުރުމުގެ މަޝްރޫޢާއި، ތަޢުލީމީ އަދި ޞިއްޙީ ދާއިރާގެ ކުރިއެރުމަށް މަގުފަހިވެގެންދާނެ ކަމަށް އުންމީދުކުރެވޭ ބައްދަލުވުމެކެވެ.
