އާ އަހަރާ ގުޅިގެން ޖެނުއަރީ 2 ވާ ބުރާސްފަތި ދުވަހަކީ ވެސް ސަރުކާރު ބަންދު ދުވަހެއްގެ ގޮތުގައި ރައީސް ޑރ. މުހައްމަދު މުއިއްޒު މިއަދު ކަނޑައަޅުއްވައިފި އެވެ.
މި ފަހަރު އާ އަހަރު ފެށޭ ދުވަސް ދިމާވަނީ ބުދަ ދުވަހަކާ އެވެ. އެއީ ކަލަންޑަރުގައިވާ ގޮތުން ބަންދު ދުވަހެެއް ކަމަށް ވީ ނަމަވެސް، ޖެހިގެން އަންނަ ޖަނަވަރީ 2 ވާ ބުރާސްފަތި ދުވަހަކީ، ރަސްމީ ދުވަހެއް ކަމަށް ވާތީ، ބަންދު ދުވަސްތަކަށް މެދުކެނޑުމެއް ނައިސް، މުވައްޒަފުންނަށް ޗުއްޓީ ލިބޭ ގޮތަށް ހަމަޖައްސަވައި ދެއްވަން ރައީސް ބޭނުންފުޅުވީ ކަމަށް ރައީސް އޮފީހުން ބުންޏެވެ.
އެ ނިންމެވުމާ އެކު، އާ އަހަރާ ގުޅިގެން ސަރުކާރުގެ މުވައްޒަފުންނަށް ހަތަރު ދުވަހުގެ ބަންދެއް ލިބޭނެ އެވެ. އެއީ ހަފުތާ ބަންދު ހިމަނައިގެންނެވެ.
