ސާއްބަ އެނިވަރސަރީ ކަޕް 2020 ފުޓްބޯޅަ މުބާރާތުގެ ހަތް ވަނަ މެޗު ފަސޭހަ ކަމާއިއެކު އަހުލީ ކާމިޔާބުކޮށްފިއެވެ. އިއްޔެ ހަވީރު ހަނިމާދޫ ރަސްމީ ފުޓްބޯޅަ ދަނޑުގައި ކުޅުނު މި މެޗު ޔުނީފޯމާއި ވާދަކޮށް އަހުލީ މޮޅުވީ 5-0 ކުންނެވެ.
މުޅި މެޗުގައި ވެސް ހަމަހަމަ ކުޅުމެށް ފެނިގިން ދިޔަ މިމެޗުގައި ފުރަތަމަ ލަނޑު ފެނިގެން ގޮސްފައިވަނީ ފުރަތަމަ ހާފުގެ 10 ވަނަ މިނެޓުގައެވެ. މި ލަނޑު ކާމިޔާބު ކޮށްދިނީ އަހުލީގެ ޖޯޒީ ނަންބަރު 10 ޠާހާ ޚާލިދު ކާމިޔާބު ކޮަށްދިންއިރު، ދެވަނަ ލަނޑާއި ތިންވަނަ ލަނޑު ކާމިޔާބު ކޮދިނީ އަހުލީގެ ޖޯޒީ ނަންބަރު 5 މުހައްމަދު ހާލިދެވެ. މި ދެ ލަނޑު ފެނިގެން ގޮސްފައިވަނީ 22 ވަނަ މިނެޓާއި 43 ވަނަ މިނެޓުގައެވެ. ފުރަތަމަ ހާފު ނިމުނީ 3-0 ގެ ނަތީޖާއަކުން އަހުލީ ކުރީގައި އޮވެގެންނެވެ.
މެޗުގެ ފަހު ހާފުގައި ވެސް ދެޓީމަށްވެސް ލަނޑު ޖަހާނެ ފުރުސަތުތައް ވަނީ ލިބިފައެވެ. ނަމަވެސް ބޭނުން ހިފުނީ އަހުލީއަށް 16 ވަނަ މިނިޓާއި 28 ވަނަ މިނެޓުގައި ލިބުނު ފުރުސަތުތަކެވެ.
16 ވަނަ މިނެޓުގައި ލަނޑު ޖަހައި ދިނީ އަހުލީގެ ޖޯޒީ ނަންބަރު 12 އަލީ ހުސެއިން އެވެ. 28 ވަނަ މިނެޓުގައި ލަނޑު ޖަހައިދިނީ އަހުލީއަށް ލިބުނު ޕެނަލްޓީއަކުން އެ ޓީމުގެ ޖޯޒީ ނަންބަރު 18 ޢަބްދު ﷲ ޝިފާޒެވެ.
މި މެޗުގެ މޮޅު ކުޅުންތެރިއަކަށް ހޮވިފައިވަނީ އަހުލީގެ ޖޯޒީ ނަންބަރު 12 އަލީ ހުސައިނެވެ.
މި މުބާރާތުގެ މެޗެއް މިއަދުވެސް އޮންނާނެއެވެ. ބައްދަލު ކުރާނީ ޔޫތު ފުރެންޑްސް އާއި ރިއަލް ސްޓަރސް އެވެ. މެޗު ކުޅުމަށް ހަމަޖެހިފައިވަނީ ހަނިމާދޫ ރަސްމީ ބޯޅަދަނޑުގައި 15:50 ގައެވެ.
ރިއަލް ސްޓަރސް މިމުބާރާތުގެ ތަށި 2013 ހޯދާފައިވާއިރު، ޔޫތު ފުރެންޑްސް ވަނީ 2008، 2011، 2015، 2018 ގައި މި މުބާރާތުގެ ތަށި ހޯދައިފައެވެ.
