ހަނިމާދޫ ސާއްބަ އެކުވެރި ކުލަބުގެ ފަރާތުން ކުރިއަށް ގެންދާ ސާއްބަ އެނިވަރސަރީ ކަޕް 2020 ފުޓްބޯޅަ މުބާރާތުގެ ބާރަ ވަނަ މެޗު ރޫހު ކާމިޔާބުކޮށްފިއެވެ.
މިއަދު ހަވީރު ހަނިމާދޫ ރަސްމީ ފުޓްބޯޅަ ދަނޑުގައި ކުޅުނު މެޗުން އެ ޓީމު މޮޅުވީ ޔޫތު ފުރެންޑްސް އާ ބައްދަލުކޮށް 3-1 ގެ ނަތީޖާ އަކުންނެވެ.
މެޗުގެ ފުރަތަމަ ލަނޑު 53 ވަނަ މިނެޓުގައި ރޫހުން ކާމިޔާބުކޮށްފައި ވަނިކޮށް މެޗުގެ 70 ވަނަ މިނެޓުގައި ޔޫތު ފުރެންޑްސް ވަނީ ލަނޑެއް ޖަހާ ނަތީޖާ ހަމަހަމަ ކޮށްފައެވެ. މި ނަތީޖާގައި އޮވެ މެޗު ނިމެން 10 މިނެޓަށް ވެފައިވަނިކޮށް ރޫހުން ވަނީ މެޗުގެ 84 ވަނަ މިނެޓާއި 88 ވަނަ މިނެޓުގައި ލަނޑު ޖަހާ 2 ލަނޑުގެ ލީޑެއް ނަގައިފައެވެ.
ރޫހުގެ ޖޯޒީ ނަންބަރު 30 އަޙްމަދު ޢަލީ 2 ލަނޑު ޖަހައިދިންއިރު، އަނެއް ލަނޑު ޖެހީ އެ ޓީމުގެ ޖޯޒީ ނަންބަރު 42 ޢަބްދު ﷲ ޝާކިރެވެ. ޔޫތު ފުރެންޑްސް ގެ ލަނޑު ކާމިޔާބުކޮށްދިނީ އެ ޓީމުގެ ޖޯޒީ ނަންބަރު 11 މުޙައްމަދު މަފާޒެވެ.
މި މެޗުގެ މޮޅު ކުޅުންތެރިއަކަށް ހޮވިފައިވަނީ ރޫހުގެ ޖޯޒީ ނަންބަރު 30 އަޙްމަދު އަލީއެވެ. މޮޅު ކުޅުންތެރިޔާއަށް އިނާމު ހަވާލުކޮށްދެއްވީ މެޗުގެ ޝަރަފުވެރި މެހެމާނު ގޮށްކޮޅުގެ ފުޓޯ ގުރާފަރ އަދި ރިޕޯޓަރ ނާހިދު އަހުމަދެވެ.
މި މުބާރާތުގެ މެޗެއް މާދެންވެސް ކުޅޭނެއެވެ. ބައްދަލު ކުރާނީ ޔުނީފޯމް އާއި ރިއަލް ސްޓަރސް އެވެ. މެޗު ކުޅުމަށް ހަމަޖެހިފައިވަނީ ހަނިމާދޫ ރަސްމީ ބޯޅަދަނޑުގައި މާދެން 15:50 ގައެވެ.
