ޔުނައިޓެޑް އަރަބް އެމިރޭޓްސްގެ ޑުބާއީގައި އެމެރިކާ ސިފައިން ޖަމާވެތިބި ހޮޓަލަށް ރޭ ހަމަލާއެއްދީ ސާޅީހަށްވުރެ ގިނަމީހުން މަރާލާފައިވާ ކަމަށް އީރާނުން ބުނެފިއެވެ.
އީރާނުގެ އިސްލާމިކް ރިވޮލިއުޝަނަރީ ގާޑުން ބުނެފައިވަނީ، އެމެރިކާ ސިފައިން ޖަމާވެ ތިބި ތަނަށް އީރާނުން ހަމަލާދިނީ ޑްރޯންއާއި މިސައިލް ބޭނުންކޮށްގެން ކަމަށެވެ.
ހަމަލާދިން ވަގުތު އެތަނުގައި 160 ސިފައިން ތިބި ކަމަށާއި، ހަމަލާގައި ސާޅީސް ސިފައިން މަރާލެވިފައިވާ ކަމަށްވެސް އައިއާރްޖީސީން ބުނެފައި ވެއެވެ.
ޑުބާއީގައި އެމެރިކާ ސިފައިންނަށް ހަމަލާ ދިނުމުގައި ހަރަކާތްތެރި ވެފައިވަނީ އީރާނުގެ ކަނޑުގެ ސިފައިން ކަމަށްވެސް ބުނެފައި ވެއެވެ.
އީރާނުން ދިން ހަމަލާތަކައެކު، އެ ސަރަހައްދު އެކަށް ގޮވައިގެންދާ މަންޒަރު ފެންނަ ވީޑިއޯތައް އާންމުވެފައި ވެއެވެ.
ދުބާއީގައި އެމެރިކާ ސިފައިން ތިބި އިމާރާތަކަށް އީރާނުން ވަރުގަދަ ހަމަލާތަކެއް ދިންއިރު، ސައުދީ އަރަބިއްޔާގެ ވެރިރަށް ރިޔާޟްގައި ހުންނަ އެމެރިކާ އެމްބަސީއަށްވެސް އީރާނުންވަނީ ހަމަލާދީފައެވެ.
ރިޔާޟްގައި ހުންނަ އެމެރިކާ އެމްބަސީއަށް ހަމަލާ ދިނުމުގެ ސަބަބުން އެ ތަނުގައި ހުޅުރޯވެފައިވާ ކަމަށް ޚަބަރުތައް ބުނެއެވެ.
މީގެއިތުރުން، އީރާނުން ރޭގައިވަނީ ކުވައިތުގައި ގާއިމްކޮށްފައިވާ އެމެރިކާގެ އަސްކަރީ ބޭހަށް އަނެއްކާވެސް ވަރުގަދަ ހަމަލާތަކެއް ދީފައެވެ.
ދުބާއީގައި އެމެރިކާ ސިފައިން ތިބި އިމާރާތަކަށާއި، ސައުދީ ވެރިރަށުގައި ހުންނަ އެމެރިކާ އެމްބަސީއަށާއި އަދި ކުވައިތާއި ބަހްރެއިންގައި ގާއިމްކޮށްފައިވާ އެމެރިކާ އަސްކަރީ ބޭހަށް އީރާނުން ރޭގައި ވަރުގަދަ ހަމަލާތަކެއް ދިނުމާއި، ސިފައިންތަކެއް މަރާލި ކަމަށް އީރާނުން ބުނެފައި ވަނިކޮށް އެމެރިކާގެ ހަނގުރާމައިގެ ރައީސް ޑޮނަލްޑް ޓްރަމްޕް ވަނީ ރުޅިއައިސް ރަތްވެގެން އީރާނަށް ވަރުގަދަ އިންޒާރުތަކެއްވެސް ދީފައެވެ.
ޓްރަމްޕް ބުނެފައިވަނީ، އެމެރިކާ ސިފައިން މެރުމާއި، ސައުދީގައި ހުންނަ އެމެރިކާ އެމްބަސީއަށް ހަމަލާދިނުމުން އެމެރިކާއިން ރައްދުދޭގޮތް އީރާނަށް ވަރަށް އަވަހަށް ފެނިގެންދާނޭ ކަމަށެވެ.
އީރާނަށް ހަމަލާދިނުމަށް އީރާނު ކައިރިއަށް ކަނޑުގެ ލަޝްކަރުތައް ޖަމާކޮށް ޓްރަމްޕް ބިރު ދައްކަން ފެށުމުންވެސް އީރާނުން ބުނެފައިވަނީ، އީރާނަށް ހަމަލާ ދީފިނަމަ މެދުއިރުމަތީގެ ގައުމުތަކުގައި ހުރި އެމެރިކާގެ އެއްވެސް އަސްކަރީ ބޭހެއް، އެއަރބޭހެއް އަދި އެމެރިކާގެ އެއްވެސް މަސްލަހަތެއްވެސް ސަލާމަތް ނުވާނޭ ކަމަށެވެ.
އީރާނުން ބުނިގޮތަށް އީރާނުން ގެންދަނީ ރައްދު ހަމަލާތައް ދެމުންނެވެ. އެމެރިކާއާއި އިސްރާއީލުން މިދިޔަ ހޮނިހިރު ދުވަހު އީރާނަށް ހަމަލާދޭން ފެށުމާއެކު، އީރާނުންވަނީ އެންމެ ދުވަހެއްގެ ތެރޭގައި ސަރަހައްދުގެ 7 ގައުމެއްގައި ގާއިމްކޮށްފައިވާ އެމެރިކާގެ ބޭސްތަކަށް ހަމަލާދީފައެވެ.
އީރާނުން ފުރަތަމަ ދިން ހަމަލާތަކުގައި އެމެރިކާގެ ބައެއް ބޭސްތަކަށް ބޭސްތަކަށް ބޮޑެތި ގެއްލުންތައް ލިބުނުއިރު، އޭގެފަހުން ކެނޑިނޭޅި އީރާނުން ދެމުންގެންދާ ހަމަލާތަކުގެ ސަބަބުން ގިނަ ބޭސްތައް މިހާރުވަނީ އެކަށް ސުންނާފަތި ވެފައެވެ.
އަދި އީރާނުން ގެންދަނީ އެމެރިކާގެ ކަނޑުގެ ލަޝްކަރުތަކަށްވެސް ހަމަލާތައް ދެމުންނެވެ. އީރާނުގެ ހަމަލާތަކަށް ބިރުން އެމެރިކާގެ ކަނޑުގެ ލަޝްކަރުތަކުގައި ހިމެނޭ އަސްކަރީ މަނަވަރުތައް ރައްކާތެރި ސަރަހައްދުތަކަށް މިހާރު ފޮނުވަން ފަށާފައިވާ ކަމަށް، ޚަބަރުތައް ބުނަމުން އެބަދެއެވެ.
