އެމްޑީޕީން “ޔެލޯ” ގެ ނަމުގައި މޮބައިލް އެޕެއް މިއަދު ލޯންޗްކޮށްފި އެވެ.
މިހާރު ކުރިއަށްދާ އެ ޕާޓީގެ ކޮންގްރެސްގެ ތެރެއިން ލޯންޗްކުރި މި އެޕް މައިގަނޑު މަގުސަދަކީ ޕާޓީގެ އިދާރީ ކަންކަން ފަސޭހަކުރުމާއި، ޕާޓީގެ މެމްބަރުންނަށް ޚިދުމަތް ދިނުން އިތުރަށް ހަރުދަނާކޮށް، ޕާޓީއާ މެމްބަރުންނާ ދެމެދު އޮންނަ ގުޅުން އިތުރަށް ބަދަހިކުރުމެވެ.
އެޕްސްޓޯރުން ޑައުންލޯޑު ކުރެވޭ އިރު، މިއަށް އެކްސެސްވެވޭނީ އައިޑީ ކާޑު ނަންބަރު މެދުވެރިކޮށެވެ.
އެމްޑީޕީން ބުނީ “ޔެލޯ” އެޕްލިކޭޝަންގެ ސަބަބުން، ޕާޓީގެ އެންމެ ފަހުގެ ޚަބަރުތަކާއި، ކުރިއަށް ރޭވިފައިވާ ހަރަކާތްތަކުގެ މައުލޫމާތު ވަގުތުން ބަލާލުމުގެ ފުރުސަތު ވެސް މެމްބަރުންނަށް ލިބޭނެ ކަމަށެވެ މީގެ އިތުރުން، އެޕްލިކޭޝަންގެ ތެރޭގައި ހާއްސަ ޗެޓް ފީޗާއެއް ހިމެނޭއިރު، މީގެ ސަބަބުން ޕާޓީގެ މެމްބަރުންނާއި ޕާޓީގެ ގޮފިތަކާ ގުޅުވައިދިނުމަށް ވަރަށް ބޮޑު މަދަދެއް ލިބިގެންދާނެ އެވެ.
