ޑިމޮކްރަސީ ގެދަށުން ޕާޓީ ހަދައިގެން މަސައްކަތް ކުރާއިރު ހުންނަން ޖެހޭ އުސޫލުތަކެއް އަދަބުތަކެއް ހުންނަން އެބަޖެހޭ ކަމަށާއި ޑިމޮކްރަސީއަކީ ހިތަށްއެރި މީހަކާއި ދިމާލަށް ހިތަށްއެރި އެއްޗެއްކިޔާ ހަޑިހުތުރު އެއްޗެހި ކިޔަށް އޮންނަ ނިޒާމެއް ނޫންކަމަށް ޑރ މުހައްމަދު ވަހީދު ހަސަން މަނިކު ވިދާޅުވެއްޖެއެވެ.
22 ވީ ހުކުރު ދުވަހުގެ ރޭ ހަނިމާދޫ ޕީޕީއެމް، ޕީއެންސީ ކޯލިޝަނުން ހަނިމާދޫގައި ކުރިޔަށް ގެންދިއަ ޖަލްސާގައި ވާހަކަ ދައްކަވަމުން ޑރ ވަހީދު ވިދާޅުވީ ޑިމޮކްރަސީ ގެދަށުން ޕާޓީ ހަދައިގެން މަސައްކަތް ކުރާއިރު ހުންނަން ޖެހޭ އުސޫލުތަކެއް އަދަބުތަކެއް ހުންނަން އެބަޖެހޭ ކަމަށާ ޑިމޮކުރަސީއަކީ ހިތަށްއެރި މީހަކާއި ދިމާލަށް ހިތަށްއެރި އެއްޗެއްކިޔާ ހަޑިހުތުރު އެއްޗެހި ކިޔަށް އޮންނަ ނިޒާމެއް ނޫން ކަމަށެވެ.
ތަނެއްގެ ޑިމޮކްރަސީ ހަލާކު ކޮށްލަން ބޭނުން ބަޔަކަށް އެކަން ވަރަށް ފަސޭހައިން ކުރެވިދާނެކަމަށާއި ވަކިން ހާއްސަކޮށް ދިވެހިރާއްޖެ ކަހަލަ ޑިމޮކްރަސީ ޅަފަތުގައި އޮތް ގައުމެއްގައި އެކަން ކުރުމަކީ ވަރަށް ފަސޭހަކަމެއްކަމަށާއި އެއީ އެކަމަކު އެކަން ކުރަވީ ގޮތެއްނޫންކަމަށެވެ. ޑިމޮކްރަސީއަކީ އެއްބަޔަކު އަނެއް ބަޔަކަށް ހައްގުތަކަށް އިހުތިރާމުކުރާ ނިޒާމެއް ކަމަށާއި އެއްގޮތަކަވެސް މީހުންގެ ހައްގުތަކަށް އަރައިގަނެ ، ތިމަންނައަށް ފުރިހަމަ މިނިވަންކަން ލިބިއްޖެއޭ ތިމަންނާ ބޭނުން ގޮތަކަށް ތިމަންނަޔަށް ކަންތައްތައް ކުރެވޭނެއޭ ހިތަށްއަރުވައިގެން ކަންތައްކުރުމަކީ ޑިމޮކްރަސީގެ އުސޫލެއް ނޫންކަމަށް ޑރ.ވަހީދު ވިދާޅުވިއެވެ.
ޕާޓީ ސިސްޓަމުގެ ތެރެއިން ވާދަވެރި އިންތިޚާބެއްގެ ތެރެއިން ރައީސުލް ޖުމްހޫރިއްޔާގެ މަގާމަށް އަންނަ ބޭފުޅަކު ވާން ވާނީ ހުރިހާ ރައްޔިތުންނަށްޓަކައި ވެރިކަން ކޮށްދެއްވާ ރައީސަކަށް ކަމުގައިވެސް ޑރ ވަހީދު ވިދާޅުވިއެވެ.
އިތުރަށް ވާހަކަފުޅު ކުރިއަށް ގެންދަވަމުން ޑރ.ވަހީދު ވިދާޅުވީ ރައީސަކަށް އިންތިޚާބު ވުމަށްފަހު، ރައީސަކަށް އިންތިޚާބުވަނީ ވަކި ޕާޓީ އަކަށް ވެރިކަން ކޮށްދެއްވަން ނޫންކަމާއި، ވެރިކަން ކޮށްދެއްވަން ވާނީ ހުރިހާ އެންމެންގެ މަސްލަހަތާއި، ލާބަޔާއި ހެވަށް ކަމަށާއި، އެއްގޮތަކަށްވެސް އެ ރައީސަކު ނިސްބަތްވާ ޕާޓީއަކަށް ވެރިކަންކުރަން ނޫންކަމުގައި ވިދާޅުވިއެވެ.
އެރޭގެ ޖަލްސާ އިންތިޒާމު ކޮށްފައި ވަނީ ހަނިމާދޫ ޕީޕީއެމް އަދި ޕީއެންސީ ސްޓިއަރިންގ ކޮމެޓީގެ ފަރާތުންނެވެ. މިޖަލްސާގައި ކުޅުދުއްފުށި ސްޓެއިރިން ކޮމެޓީގެ ރައީސް ވެސް ވަނީ ބައިވެރި ވެފައެވެ.
