ށ.ފުނަދޫ ޔުނިޓީ ސްޕޯޓްސް އެކަޑަމީއިން ކުރިއަށްގެންދިޔުމަށް ރާވާފައިވާ އަންހެން އަދި ފިރިހެންކުދިންގެ ފުޓްބޯޅަ އަދި ފުޓްސަލް ޕްރޮގްރާމަށް ދަރިވަރުން ހޯދަން އިއުލާން ކޮށްފިއެވެ.
ޔުނިޓީ ސްޕޯޓްސް އެކަޑަމީއިން ފަށަން ތައްޔާރުވަމުން އަންނަ ޕްރޮގްރާމާއި ބެހޭގޮތުން ގޮށްކޮޅަށް މައުލޫމާތު ހިއްސާ ކުރައްވަމުން ހުސައިން އަރީފް (ޔޫކޭ) ވިދާޅުވީ މިފަހަރު މި ފުރުސަތު ހުޅުވާލީ 6 އަހަރާ 16 އަހަރާ ދެމެދުގެ ކުދިންނަށް ކަމަށާއި، އެކުދިން 3 ބަޔަކަށް ބަހާލުމަށް ފަހު ޓްރޭނިން ސެޝަންތައް ހަފުތާއަކު 3 ދުވަހު ކުރިޔަށް ގެންދެވޭނެ ކަމަށެވެ.
މި ޕްރޮގްރާމްގައި ކޯޗްކަން ކޮށްދެއްވާނީ އޭއެފްސީ ގެ ކޯޗިން ލައިސަން ބީ އަދި ސީ ލައިސަން ކޯޗުންނެވެ. ކޮންމެ ދަރިވަރަކު އަތުން 200 ރުފިޔާގެ ފީއެއް ނެގުމަށް ހަމަޖެހިފައިވީނަމަވެސް އެއް ގެޔަކުން އެއްކުއްޖަކަށްވުރެން ގިނައިން ކުދިން ބައިވެރި ވާނަމަ ކޮންމެ ދަރިވަރެއްގެ ފީއިން 50 ރުފިޔާ އުނިކޮށް ދެވޭނެ ކަމަށް ހުސެން އަރީފް (ޔޫކޭ) ވިދާޅުވިއެވެ.
މިއަހަރު ތެރޭގައި ބޮޑެތި މީހުންނަށް ކަސްރަތު ޕްރޮގުރާމުގެ އިތުރުން ސްކޫލް ކުޅިވަަރު ހަރަކާތްތަށް ހިންގުމުގައި ޔުނިޓީ ސްޕޯޓްސް އެކަޑަމީއަށް އަދާކުރެވޭނެ ދައުރާ ބެހޭގޮތުން ސްކޫލާ މަޝްވަރާ ކުރެވެމުން ދާކަމަށް އެއެކަޑަމީން މައުލޫމާތު ދެއެވެ.
ޔުނިޓީ ސްޕޯޓްސް އެކަޑަމީ ވުޖޫދަށް އައިސްފައި ވަނީ 24 ނޮވެމްބާރ 2020 ވަނަ ދުވަހުއެވެ. 2019 އަދި 2020 ގައި މިގުރޫޕުން ވަނީ ޔުނިޓީ ކަޕް ގެނަމުގައި މުބާރާތެއް ކުރިޔަށް ގެންގޮސްފައެވެ.
