ކޮވިޑްގެ ޙާލަތާ ގުޅިގެން ނުވަވަރަކަށް މަސްދުވަހުގެ މެދު ކެނޑުމަށްފަހު، ހަނިމާދޫ ސްކޫލްގެ ޔުނީފޯމް ހަރަކާތްތައް ކަމުގައިވާ ސްކައުޓް އަދި ކެޑޭޓް ޙަރަކާތް 204 ދަރިވަރުންނާއެކު އަލުން ފަށައިފިއެވެ.
ސްކައުޓް ޙަރަކާތް ފެށުމުގެ ގޮތުން މިއަދުވަނީ އެކުދީނަށް ފުރަތަމަ ސެޝަން ނަގައި ދީފައެވެ. މިވަގުތު ހަނިމާދޫ ސްކައުޓް ގުރޫޕުގައި 124 ކަބު ސްކައުޓް އަދި 19 ސްކައުޓުން ޙަރަކާތް ތެރިވެއެވެ. މިކުދިންނަށް ހަފުތާއަކު 2 ދުވަހު ސެޝަންތައް ކުރިޔަށް ގެންދިއުމަށް ރާވާފައި ވާކަމަށް ހަނިމާދޫ ސްކައުޓް ގުރޫޕުން ހާމަކުރެއެވެ.
މީގެ އިތުރުން އިއްޔެވަނީ 80 ދަރިވަރުންނާއެކު ކެޑޭޓް ޙަރަކާތްވެސް ފަށައިފައެވެ. އެކުދީނަށް ހަފުތާއަކު ތިން ސެޝަން ކުރިޔަށް ގެންދިއުމަށް ހަމަޖައްސާފައިވާ ކަމަށް ހަނިމާދޫ ކެޑޭޓް ގުރޫޕުން ހާމަކުރެއެވެ.
ޔުނީފޯމް ޙަރަކާތްތަކަކީ ދަރިވަރުން ދިރިއުޅުމުގެ ކަންކަމަށް ލޯހުޅުވައިދީ، ރިވެތި އަދަބު އަޚްލާޤު ދަސްކޮށްދިނުމުގައި ވަރަށް މުހިންމު ދައުރެއް އަދާކުރާ ޙަރަކާތެކެވެ. މި ފަދަ ޙަރަކާތްތަކަށް ހަނިމާދޫ ސްކޫލުގެ ބެލެނިވެރިން ދެއްވާ ޚާއްޞަ އެއްބާރުލުން ފާހަގަކޮށް، ބެލެނިވެރިންނަށާއި، މި ޙަރިކާތްތަކުގައި ހިލޭސާބަހަށް މަސައްކަތް ކޮށްދެއްވާ އެންމެހައި ފަރާތްތަކަށް، ނިހާއީ ޝުކުރު އަދާކުރެއެވެ.
