ށ. ފުނަދޫގެ ޖަމިއްޔާއެއް ކަމަށްވާ ޔުނައިޓެޑް ނިއު ޖެނެރޭޝަން އެޑެލްޓްސް (އުންގާ) ޖަމިއްޔާގެ ފަރާތުން އިންތިޒާމުކޮށް ބާއްވާ އެ ޖަމިއްޔާގެ ފުރަތަމަ ވޮލީ މުބާރާތް “އުންގާ ވޮލީ ކަޕް 2021″ގެ ފައިނަލަށް ކައިޒީން ދަ ޓައިގާރޒް އަދި ދަށްފަޅު މޯލްޑިވްސް ދަތުރު ކޮށްފިއެވެ.
ކައިޒީން ދަ ޓައިގާރޒް މި މުބާރާތުގެ ފައިނަަލަށް ދަތުރުކުރީ ކުޅުނު 4 މެޗުން މޮޅުވެ، 8 ޕޮއިޓާއި އެކުއެވެ. ދަށްފަޅު މޯލްޑިވްސް ފައިނަލަށް ދަތުރު ކުރީ ކުޅުނު 4 މެޗުން 3 މެޗު ކާމިޔާބުކޮށް 6 ޕޮއިޓާއި އެކުއެވެ.
މުޅި ޖުމުލަ 5 ޓީމު ބައިވެރިވި މި މުބާރާތް ކުރިއަށް ގެންގޮސްފައިވަނީ ލީގު އުސޫލުންނެވެ.
އެއްވަނަ ޓީމަށް 5000 ރުފިޔާ އަދި ދެވަނަ ޓީމަށް 2000 ރުފިޔާ ލިބޭ މި މުބާރާތުގެ ފައިނަލް ކުޅުމަށް ހަމަޖެހިފައި ވަނީ 16 ފެބްރުއަރީ 2021 ވާ އަންގާރަ ދުވަހުގެ ރޭ 20:30 ގައެވެ.
އުންގާ ޖަމިއްޔާ އަކީ 26 ނޮވެންބަރ 2020 ގައި ރަޖިސްޓްރީވެފައިވާ ޖަމިއްޔާއެކެވެ. އެގޮތުން މިއީ އުންގާ ޖަމިއްޔާއިން އިންތިޒާމު ކޮށްގެން ބާއްވާ ފުރަތަމަ މުބާރާތެވެ.
