ކޯވިޑް ޖެހިގެން ރާއްޖެއިން އިތުރު މީހަކު ނިޔާވެއްޖެއެވެ.
އެޗްޕީއޭއިން ވިދާޅުވީ ކޯވިޑް ޖެހިގެން ނިޔާވީ ހުޅުމާލޭ މެޑިކަލް ފެސިލިޓީގައި ފަރުވާދެމުންދިޔަ އުމުރުން 80 އަހަރުގެ ދިވެހި އަންހެނެއްކަމަށެވެ. އަދި އޭނާ ނިޔާވީ ރޭ 12:22 ހާއިރުކަމަށްވެސް އެޗްޕީއޭއިން ވިދާޅުވިއެވެ.
މިއީ ކޯވިޑް ޖެހިގެން ރާއްޖެއިން ނިޔާވި 61 ވަނަ މީހާއެވެ. އަދި މިއީ މިމަހު ނިޔާވި 9 ވަނަ މީހާއެވެ. ރާއްޖެއިން 61 މީހަކު ކޯވިޑް ޖެހިގެން ނިޔާވިއިރު، އޭގެ ތެރޭގައި ހިމެނެނީ 53 ދިވެހިންނާއި 8 ބިދޭސީންނެވެ.
މިމަހު މިހާތަނަށް ރާއްޖެއިން 9 މީހަކު ކޯވިޑް ޖެހިގެން ނިޔާވިއިރު، މިހާތަނަށް އެއް މަހެއްގައި އެންމެ ގިނަ މީހުން ކޯވިޑް ޖެހިގެން ރާއްޖެއިން ނިޔާވީ މިމަހުއެވެ.