ލާމަރުކަޒީ ދުވަސް ފާހަގަ ކުރުމުގެ ގޮތުން ބޮޑުފޮޅުދޫ ކައުންސިލުން ގިނަ ހަރަކާތްތަކެއް ހިންގީ 2019 ލޯކަލް ކައުންސިލްސް ޕާފޯމަންސް އިންޑެކްސްގެ ފަސް ދާއިރާ ތެރެއިން 4 ދާއިރާއަކުން ކުރި އެރުން ހޯދައި އެކަމުގެ ކާމިޔާބީ ފާހަގަކުމުގެ ގޮތުންނާއި އެކުއެވެ.
އެގޮތުން އެކައުންސިލުން ހޯދާފައިވާ ކާމިޔާބީ ތަކަކީ :
- އެކައުންޓަބިލިޓީ، މުޅި ރާއްޖެއިން 2 ވަނަ ( އަތޮޅުން 1 ވަނަ )
- ޕާޓިސިޕޭޝަން، މުޅި ރާއްޖެއިން 2 ވަނަ ( އަތޮޅުން 1 ވަނަ )
- ސެކިއުރިޓީ، މުޅި ރާއްޖެއިން 5 ވަނަ ( އަތޮޅުން 1 ވަނަ )
- އިފެކްޓިވްނަސް، މުޅި ރާއްޖެއިން 8 ވަނަ ( އަތޮޅުން 3 ވަނަ )
- ވަނަ ކެޓަގަރީ ( ލާމަރުކަޒީ ޤާނޫނަށް އަމަލުކުރުމުގެ ބައިން ވަނީ 100 އަށް ވުރެ ދަށް އަދަދެއް ލިބިފައި ) އިން އއ. އަތޮޅުން 3 ވަނަ ކައުސިލުގެ ގޮތުގައި ހޮވިފައިވާއިރު 2019 ވަނަ އަހަރު މުޅި ރާއްޖެއިން އެންމެ ބޮޑު ކުރި އެރުމެއް ހޯދި ރަށު ކައުންސިލަށްވެސް ހޮވިފައިވަނީ ބޮޑުފޮޅުދޫ ކައުންސިލެވެ.
ބޮޑުފޮޅުދޫގައި ލާމަރުކަޒީ ދުވަހުގެ ހަރަކާތްތައް ފަށައިފައިވަނީ އެރަށު ކައުންސިލުގެ ހުރިހާ މުވައްޒަފުން ބައިވެރިވި ހެނދުނުގެ ސައި ފޮދަކުންނެވެ.
މީގެ އިތުރުން ކައުންސިލުން ހޯދި ކާމިޔާބީ ފާހަގަކޮށް އެރަށު މަދަރުސާއިންވަނީ ކައުންސިލާއި ،ކައުންސިލުގެ ސްޓާފުންނަށް ޝަރަފުވެރިކަމުގެ ރަސްމިއްޔާތެއް ކުރިއަށް ގެންގޮސްފައެވެ.
ދުވަހުގެ އެންމެ ހާއްސަ ހަރަކާތެއް ގޮތުން ކުރިއަށް ގެންދެވުނު ހަރަކާތަކީ އޭޕްރީލް 10 ވަނަ ދުވަހު ބާއްވާ ލޯކަލް ކައުންސިލް އިންތިހާބަށް ކުރިމަތިލާފައިވާ ކެނޑިޑޭޓުންނާއި ،އަންހެނުންގެ ތަރައްޤީއަށް މަސައްކަތްކުރާ ކޮމެޓީއަށް ކުރިމަތިލާފައިވާ ކެނޑިޑޭޓުންގެ މެދުގައި ލާމަރުކަޒީ ޤާނޫނާއި ގުޅޭގޮތުން ކުއިޒެއް ކުރިއަށް ގެންދިއުމެވެ.
މިފަދަ ހަރަކާތެއް ރޭވުމުގެ މަގުސަދަކީ ލާމަރުކަޒީ ޤާނޫނަށް އަލަށް ގެނެވުނު ބަދަލުތަކަށް ކައުންސިލަށް ކުރިމަތިލާފައިވާ ފަރާތްތަކާއި އަންހެނުންގެ ތަރައްޤީއަށް ކުރިމަތިލާފައިވާ ފަރާތްތައް އަހުލުވެރި ކުރުވުންކަމުގައި ބޮޑުފޮޅުދޫ ކައުންސިލުން ބުނެއެވެ.
