ރ. އުނގޫފާރު އުނގޫފާރު ރީޖަނަލް ހޮސްޕިޓަލުގެ އެކްސްޓެންޝަން އިމާރާތުގެ ބިންގާ މިއަދު އަޅައިފިއެވެ.
އުނގޫފާރު ރީޖަނަލް ހޮސްޕިޓަލްގެ އައު އިމާރާތުގެ ބިންގާ އަޅުއްވައިދެއްވީ، މިނިސްޓަރ އޮފް ހެލްތު އޮނަރަބަލް އަހުމަދު ނަސީމް އާއި ނިޝާން އިއްޒަތްދީނުގެ އިއްޒަތުގެ ވެރިޔާ އޮނަރަބަލް އަނީސާ އަޙްމަދުއެވެ.
މި ޕްރޮޖެކްޓްގެ ދަށުން އުނގޫފާރު ރީޖަނަލް ހޮސްޕިޓަލުގައި 10 ބެޑްގެ ފުލްފްލެޖް އީއާރް އަކާއި، 2 އޮޕަރޭޝަން ތިއޭޓަރާއި، ލެބޯޓްރީއަކާއި، ޕްރައިވެޓް ރޫމްސްއާއި، ރޭޑިއޮލަޖީ ޑިޕާޓްމަންޓް (2 އެކްސްރޭ ރޫމް، ސްކޭން ރޫމް، ސްކޭން ރޫމް) އާއި، ސީއެސްއެސްޑީ އާއި، 150 ކިލޯ ވޯޓުގެ ސޯލާ ހަރުކުރެވިގެންދާނެއެވެ.
އަތޮޅުތެރޭގެ 5 ހޮސްޕިޓަލް ތަރައްގީކުރުމަށް ސަރުކާރުން ކުރިޔަށް ގެންދާ ޕްރޮޖެކްޓްގެ ދަށުން އުނގޫފާރު ރީޖަނަލް ހޮސްޕިޓަލުގެ އެކްސްޓެންޝަން މަސައްކަތް ކުރުމަށް އެލިޔާ ކޮންސްޓްރެކްޝަން ޕްރައިވެޓް ލިމިޓެޑާއި ޙަވާލުކޮށްފައިވަނީ މިއަހަރުގެ ޖަނަވަރީ މަހުގެ ތެރޭގައެވެ.
މިއީ ސަރުކާރުގެ ބަޖެޓުން 72،190،246.91 (ހަތްދިހަ ދެމިލިއަން އެއްލައްކަ ނުވަދިހަހާސް ދުއިސައްތަ ސާޅީސް ހަ ރުފިޔާ ނުވަދިހަ އެއްލާރި) ޚަރަދުކުރާނެ މަޝްރޫޢުއެކެވެ. އަދި މި މަޝްރޫޢު އެލިޔާއާ ހަވާލުކޮށްފައިވަނީ 239 ދުވަހުގެ ތެރޭގައި މަޝްރޫޢުގެ މަސައްކަތް ނިންމަން ޖެހޭ ގޮތަށެވެ.
