މިހާރު ކުރިއަށްދާ ހދ.އަތޮޅު ކައުންސިލް ވޮލީ މުބާރާތުގައި ވައިކަރަދޫ ވީ ޓީ އާއި ބައްދަލުކޮށް ސީދާ ތިން ސެޓުން ކާމިޔާބުކޮށް ސާއްބަ ފެށުން ރަނގަޅު ކޮއްފިއެވެ.
ވައިކަރަދޫ ވީ ޓީ ގެ ފަރާތުން ވަރުގަދަ ކުޅުމެއް ފެނިގެން ދިޔަ މިމެޗު ސާއްބަ އެކުވެރި ކުލަބުން ކާމިޔާބު ކުރީ 27-25، 25-16 އަދި 26-24 އިންނެވެ.
މި މެޗުގެ މޮޅު ކުޅުންތެރިއަކަށް ހޮވިފައިވަނީ ސާއްބަ އެކުވެރި ކުލަބުގެ ޖާރޒީ ނަންބަރު 11 ހަސަން ނިލާމު އެވެ.
ހަނިމާދޫ ދެޓީމުގެ މެޗެއް ދެން ކުޅޭނީ 16 ވަނަ ދުވަހުއެވެ. އެދުވަހު ހަވީރު 16:20 ގައި ބައްދަލު ކުރާނީ ހަނިމާދޫ ޒުވާނުންގެ ޖަމިއްޔާގެ ވޮލީ ޓީމާއި ނޮޅިވަރަންފަރު ލައިކަންއެވެ. 16 ވަނަ ދުވަހު 20:30 ގައި ވާދަކުރާނީ ސާއްބަ އެކުވެރި ކުލަބާއި ހިރިމަރަދޫ ހިރިޒިލް އެވެ.