ކޯވިޑަށް ޕޮޒިޓިވްވުމުގެ ސަބަބުން، ށ. ފުނަދޫ ކޯވިޑް ފެސިލިޓީގައި ފަރުވާދެމުންދިޔަ މާބަނޑުމީހާ ބަލިން ރަނގަޅުވެއްޖެއެވެ.
އޭނާ ބަލިން ރަނގަޅު ވުމާއެކު މިއަދު ވަނީ އެ ސެންޓަރުން ދޫކޮށްލާފައެވެ. އެއީ ބަނޑަށް 36 ހަފްތާގެ ވެފައިވާ މާބަނޑު މީހެކެވެ.
ޒޯން 1ގެ ރަށްތަކަށް ޚާއްސަކޮށްފައިވާ ކޯވިޑް ފެސިލިޓީ ކަމުގައިވާ ށ ފުނަދޫ ކޮވިޑް ފެސިލިޓީގައި މިވަގުތު އެޑްމިޓް ކުރެވިފައި ތިބީ ހއ. ބާރަށުން ޕޮޒިޓިވްވި 4 މީހެކެވެ.
ށ. ފުނަދޫ ކޯވިޑް ފެސިލިޓީއަކީ ޒޯން 1ގެ ރަށްތަކަށް ޚާއްސަކޮށްފައިވާ ކޯވިޑް ފެސިލިޓީއެވެ. މި ފެސިލިޓީގައި އައިސީޔޫ 20 އެނދާއި އައިސޮލޭޝަން 37 އެނދު ހުރެއެވެ. މިހާތަނަށް މިފެސިލިޓީގައި ފަރުވާ ދިނުމަށްފަހު ދޫކޮށްލާފައި 14 ކޯވިޑް ބަލިމީހާއެވެ.
