ހަނިމާދޫ ސްކޫލް ގްރޭޑް 7، 8 ގެ ދަރިވަރުންނަށް ފުރަތަމަ އެހީ ފޯރުކޮށްދޭނެ ގޮތުގެ ޕްރޮގުރާމެއް ކުރިއަށް ގެންގޮސްފިއެވެ.
މި ހަރަކާތާއި ބެހޭ ގޮތުން މައުލޫމާތު ހިއްސާކުރަމުން އެ ސްކޫލްގެ ލީޑިން ޓީޗާރ ޝާޒުލީން ވިދާޅުވީ، ހޯމަ ދުވަހު ކުރިއަށް ގެންދެވުނު އަވަސް ފަރުވާ ދޭނެ ގޮތުގެ ކުލާހަކީ އެ ދެ ގްރޭޑްގެ ދަރިވަރުންގެ ހެލްތު އެންޑް ޕީ އީ ކުލާހުގައި ހިމެނޭ ބައެއްކަމަށާއި، އެބައި ނަގައި ދިނުމުގައި ހަނިމާދޫ ސިއްހީ މަރުކަޒުގެ ފަރާތުން ވަރަށް ފުރިހަމަ އެއްބާރުލުމެއް ލިބިގެން ދިޔަކަމަށެވެ.
ފުރަތަމަ އެހީ ދޭނެ ގޮތުގެ މައުލޫމާތު ދިނުމުގެ ކުލާހުގައި އެކުދިނަށް ވަނީ ޒަހަމުވާ ތަންތަން ބެންޑޭޖު ކުރާނެ ގޮތާއި، ބަލިމީހުން އުފުލާނެ ގޮތްތަކުގެ އިތުރުން، ސީ.ޕީ.އާރު ދޭނެގޮތް ބުނެދީފައެވެ.
ކުލާސް ނަގައި ދެއްވީ ހަނިމާދޫ ސިއްހީ މަރުކަޒުގެ ދެ މުވަޒަފުން ކަމުގައިވާ ޖަސްޓިން ކަރިކަޓިލް ސެބާސްޓިއަން (ރެޖިސްޓާރޑް ނާރސް)، އަދި ޝާޒިޔާ މުހައްމަދު (ސީނިއާރ ރެޖިސްޓާރޑް ނާރސް) އެވެ.
