ގދ. ތިނަދޫ މޮނިޓަރިންގ ހާލަތަށް ލާފައިވާ ކަމަށް ހެލްތު އެމަރޖެންސީ އޮޕަރޭޝަންސް ސެންޓަރ (އެޗްއީއޯސީ) އިން ބުނެފިއެވެ.
އެޗްއީއޯސީ އިން މައުލޫމާތު ދީފައިވާ ގޮތުގައި، ތިނަދޫ މޮނިޓަރިންގ ހާލަތަށް ލާފައިވަނީ އެ ރަށުން 5 މީހަކު ޕޮޒިޓިވްވުމާއި ގުޅިގެންނެވެ. މި 5 މީހުންވެސް ޕޮޒިޓިވް ކަން ހާމަވެފައިވަނީ، ހުމުގެ އަސަރު ފެނުމުގެ ސަބަބުން ޓެސްޓް ކުރުމުންނެވެ.
މިއާއެކު ތިނަދޫ މިހާރު މޮނިޓަރިންގ ހާލަތަށް ލާފައިވާ ކަމަށް އެޗްއީއޯސީ އިން ވަނީ ބުނެފައެވެ. ޕޮޒިޓިވް ކޭސްތައް ފެނުމުން، މޮނިޓަރިންގ ހާލަތަށް ލަނީ ރެންޑަމް ސާމްޕަލް ނަގައި އެ ރަށެއްގައި ކޮމިއުނިޓީ ސްޕްރެޑެއް ނެތް ކަން ޔަގީން ކުރުމަށެވެ.
