ޅ. އަތޮޅު ނައިފަރުން އިތުރު 17 މީހަކު ކޮވިޑް-19 އަށް ފައްސިވެ، ޖުމްލަ އަދަދު 31 އަށް އަރައިފިއެވެ.
އެ އަތޮޅު ހޮސްޕިޓަލުން އާއްމުކޮށްފައިވާ މައުލޫމާތުތަކަށް ބަލާއިރު، މިއަދު ހެނދުނު 9:00 އާ ހަމައަށް އެރަށުން ފައްސިވެފައި ވަނީ 14 މީހެކެވެ.
އެހެން ނަމަވެސް މިއަދު އިރުއޮއްސި ހަޔަކާއި ހަމައަށް އިތުރު 17 މީހަކު ފައްސިވެ އެރަަށުން ފައްސިވި މީހުންގެ އަދަދު ވަނީ 31 އަށް އަރާފައެވެ.
އެރަށުން މިހާރު ފައްސިވަމުން ދަނީ އެރަށުން މީގެ ކުރިން ކޮވިޑަށް ފައްސިވި މީހުންނާއި ގާތުން އެއްތާވި މީހުންނެވެ.
އެރަށުން ވަކި ތަރުތީބެއް ނެތި ނެގި ސުންކުތަކުގެ ނަތީޖާއެއް ނުލިބެއެވެ.
