ރ. އުނގޫފާރު މަގުތަކުގައި ތާރު އެޅުމުގެ މަޝްރޫއުގެ 70 ޕަސެންޓް މަސައްކަތް ނިމިފައިވާ ކަމަށް އެ މަސައްކަތް ކުރަމުން އަންނަ ކުންފުނި، އެމްޓީސީސީން ބުނެފި އެވެ.
ޖުމްލަ 28.66 މިލިއަން ރުފިޔާގެ މި މަޝްރޫއު އެމްޓީސީސީއާ ހަވާލުކުރީ މެއި 2019 ގަ އެވެ. އަދި އެ އަހަރުގެ ޖޫން މަހުގެ ތެރޭގައި އަމަލީ މަސައްކަތް ވަނީ ފަށައިފަ އެވެ.
މި މަޝްރޫއުގެ ދަށުން 16،488 އަކަ މީޓަރުގެ ސަރަހައްދެއްގައި ތާރު އަޅާނެ އެވެ.
އެމްޓީސީސީން ބުނީ، މި މަޝްރޫއުގެ ދަށުން އުނގޫފާރު މަގުތަކުގައި ތާރު އެޅުމުގެ މަސައްކަތް މިދިޔަ އާދީއްތަ ދުވަހު ފަށާފައިވާ ކަމަށެވެ.
