އިއްޔެ ޕޮޒިޓިވްވި މީހުންގެ ޑައިރެކްޓް ކޮންޓެކްޓްގެ ގޮތުގައި 20 މީހަކު ފާހަގަކުރެވި 20 މީހުގެ ސާމްޕަލް ރޭ ނަގައިފިއެވެ.
އިއްޔެ ހަނިމާދޫން ޕޮޒިޓިވްވީ އަންހެނަކާއި، ކުޑަކުއްޖެކެވެ. އެއީ ދެމައިންނެވެ. އެމީހުން އއ. މަތިވެރިން، ހަނިމާދޫއަށް ދަތުރުކުރީ މިމަހުގެ 20 ވަނަ ދުވަހުއެވެ.
ހަނިމާދޫ ޞިއްޙީ މަރުކަޒުން ވިދާޅުވީ ކޮންޓެކްޓް ޓުރޭސިން ކުރިއަށް ދާއިރު، އެކަމަށް ސައްޙަ މަޢުލޫމާތު ދިނުން ވަރަށް މުހިންމުކަމަށެވެ.
މީގެ އިތުރުން އެ މަރުކަޒު ވަނީ އެމަރޖެންސީ ކަމެއް ދިމާވެގެން ނޫނީ ޑޮކްޓަރަށް ދެއްކުމަށާއި އެހެނިހެން ކަންކަމަށް ޞިއްޙީ މަރުކަޒަށް ޒިޔާރަތް ނުކުރެއްވުމަށް އިލްތިމާސް ކޮށްފައެވެ. އަދި ކޮންމެހެން ނަގަންޖެހޭ ބޭސް ނެގުމަށާއި ކުދި ކުދި ބަލިތަކަށް ފަރުވާ ހޯދުމަށް އެ މަރުކަޒުގެ ނަންބަރު 6520083 ފޯނަށް ގުޅުއްވައިގެން ކުރިއަށް ގެންދެވުމަށް އެދިފައެވެ.
