ކޮވިޑް 19 އަށް 100 އަށްވުރެ ގިނަމީހު ޕޮޒިޓިވް ވެފައިވާ މަތިވެރިއަށް އއ. ބޮޑުފޮޅުދޫ ރައްޔިތުންގެ ދީލަތި އެހީ ފޯރު ކޮށްދީފިއެވެ.
މި ހަރަކާތުގެ މައުލޫމާތު ހިއްސާކުރައްވަމުން ބޮޑުފޮޅުދޫ ކައުންސިލުގެ ރައީސް ޝުޖާއު އާދަމް ވިދާޅުވީ މިއަދު މަހަށް ފުރި ދޯނިތަކުން ބޭނި 500 ކިލޯގެ މަހާއި 800 ވަރަކަށް ކިލޯ ކަރާ މިއަދު ފޯރުކޮށްދެވިފައި ވާކަމަށެވެ.
ބޮޑުފޮޅުދޫ ރައްޔިތުން މަތިވެރިއަށް ކުރިމަތިވެފައިވާ މި ހިތާމަވެރި ދަނޑިވަޅުގައި މިތިބީ މަތިވެރިއާއިއެކުގައި ކަމަށާ މިފަދަ ހަރަކާތެއް ކުރިއަށް ގެންދެވިފައި މިވަނީ ބޮޑުފޮޅުދޫ އެންމެހާ ރައްޔިތުންނާއި، ނިކަ އައިލެންޑް ރިޒޯޓާއި ލެގޫންވިއު، އަދި ވާރިސް ދޯންޏާއި، ހިތްވަރު ދޯނީގެ ފުރިހަމަ އެއްބާރުލުމާއެކު ކަމަށް ރައީސް ފާހަގަ ކުރެވިއެވެ.
އަދި މިކަމުގައި ޝާމިލްވި އެންމެހާ ބޭފުޅުންނަށް ބޮޑުފޮޅުދޫ ކައުންސިލްގެ ނަމުގައި އިހްލާސްތެރިކަމާއެކު ޝުކުރު އަދާކުރާ ކަމުގައި ޝުޖާއު ވިދާޅުވިއެވެ.
ފޮޓޯ : އިބްރާހިމް ނަސީމް / ދެތަނޑިމާގެ،އއ.ބޮޑުފޮޅުދޫ
