ހަނިމާދޫގައި ކޮވިޑް ވެކްސިން ޖަހަން ނަންބަރު ދޫކުރާ ގަޑިތަކަށް ބަދަލު ގެނެސްފިއެވެ.
ހަނިމާދޫ މަރުކަޒުން މިއަދު ހާމަކޮށްފައި ވާގޮތުން ވެކްސިންޖެހުމަށް ނަންބަރު ދޫކުރާނީ ދެ ވަގުތަކަށް ބަހާލައިގެންނެވެ.
އެގޮތުން ފުރަތަމަ ޑޯޒް ޖަހަން ދުރުވާ ފަރާތްތަކަށް ކިޔު ނަންބަރު ދޫކުރާނީ 21:00 އިން 21:30 އަށެވެ. އަދި ދެވަނަ ޑޯޒް ޖަހާ ފަރާތްތަކަށް ކިޔު ނަންބަރު ދޫކުރާނީ 21:30 އިން 22:00 އަށެވެ.
ކުރިން އެ މަރުކަޒުން ދިޔައީ އެއްވަގުތެއްގައި ފުރަތަމަ ޑޯޒު އަދި ދެވަނަ ޑޯޒް ޖެހުމަށް ނަންބަރު ދޫކުރަމުންނެވެ. އެގޮތަށް ނަންބަރު ދޫކުރިއިރު ދެވަނަ ޑޯޒް ޖަހާ ފަރާތަކަށް ވެކްސިން ދީފައި ވަނީ ފުރަތަމަ ޑޯޒް ދޭ ފަރާތްތަށް ނިންމުމަށް ފަހުއެވެ.
ހަނިމާދޫގައި މިވަގުތު ޖަހަމުން ދަނީ ސިނޮފާމް ވެކްސިންގެ ފުރަތަމަ ޑޯޒު އަދި ދެވަނަ ޑޯޒެވެ.
ކޮވިޑް-19 އިން ރައްކާތެރިވުމަށް ޖަހާ ވެކްސިންގެ ފުރަތަމަ ޑޯޒް ނުޖަހާ ފަރާތްތަކުން ވީހާވެސް އަވަހަކަށް ވެކްސިން ޖެހުމަށް ހަނިމާދޫ ޞިއްޙީ މަރުކަޒުން ދަނީ ތަކުރާކޮށް އިލްތިމާސް ކުރަމުންނެވެ.
