ހަނިމާދޫ ކައުންސިލުން ގާއިމުކުރާ ޕޭރެންޓްހިޔާގެ ބެންޗުތައް ނިންމާ ކައުންސިލާ މިއަދު ހަވާލު ކޮށްފިއެވެ. މި ބެންޗުތައް ތައްޔާރު ކޮށްފައިވަނީ ބީތްރީ ކޮންސްޓްރަކްޝަން ކޮމްޕެނީގެ ފަރާތުނެވެ.
ހަނިމާދޫ ކަައުންސިލްގެ ބަޖެޓުން 133،000 ( އެއްލަކަށް ތިރީސް ތިންހާސް) ރުފިޔާ ހަރަދުކޮށްގެން ހަދަން ހަވާލުކުރި 20 ކުޑަ ބެންޗާއި 10 ބޮޑު ބެންޗު އަދި 3 ޓޭބަލް މޭޒު ބީތްރީ ކޮންސްޓްރަކްޝަން ކޮމްޕެނީގެ ފަރާތުން ނިންމާލީ އެގުރިމަންޓްގައި ވާ ތާރިހްގެ ތެރޭގައެވެ.
މި މަސައްކަތާ ގުޅޭ ގޮތުން ގޮށްކޮޅަށް މައުލޫމާތު ހިއްސާކުރަމުން ބީތްރީ ކޮންސްޓްރަކްޝަން ކޮމްޕެނީގެ މެންޑީ އިދުރީސް އަބުދު ﷲ ވިދާޅުވީ އަބަދުވެސް ބަލަނީ ހަވާލުވާ މަސައްކަތްތައް ސުންގަޑީގެ ކުރިން ނިންމުމަށް ކަމަށާ، މި މަސައްކަތް ވެސް ކަނޑައެޅިފައިވާ ތާރިހަށް ނިންމާލެވުނީ މުވައްޒަފުންގެ ބުރަ މަސައްކަތުން ކަމަށެވެ.
” އަޅުގަނޑުމެން މަސައްކަތް ފެށި ފަހުން ކައުންސިލުން އެދުނު ބަދަލުތައް ވަނީ އަޅުގަނޑުމެން ގެނެސްދީފައި، އެކަން ކަމަށް އިތުރު ޗާޖެއްވެސް އަޅުގަނޑުމެން ނުކުރަން ” އިދުރީސް އަބުދު ﷲ ވިދާޅުވީއެވެ.
ބީތްރީ ކޮންޓްރަކްޝަން ކޮމްޕެނީ ޕްރައިވެޓް ލިމިޓެޑް އަކީ 07 އޮކްޓޯބަރ 2008 ވަނަ އަހަރު ރަޖިސްޓަރީ ކުރެވި ހަނިމާދޫގެ ގެދޮރު އިމާރާތް ކުރުމުގެ ދާއިރާގައި ފުޅާދާއިރާއެއްގައި މަސައްކަތް ކުރަމުންދާ ކުންފުންޏެކެވެ.
