މާލޭގެ މޭޔަރު ޑރ. މުހައްމަދު މުއިއްޒަށް މަރުގެ އިންޒާރު ދިން މައްސަލައެއް ފުލުހުން ބަލަން ފަށައިފި އެވެ.
މުއިއްޒަށް މަރުގެ އިންޒާރު ދީފައިވަނީ މުއިއްޒުގެ އަމިއްލަ ފޭސްބުކް ޕޭޖަށް ފޮނުވި މެސެޖެއްގަ އެވެ.
އެގޮތުން މިލްހާނާ އިބްރާހިމްގެ ނަމުގައި އިއްޔެ މެންދުރުފަހު 2:52 ގައި ފޮނުވި މެސެޖުގައި މުއިއްޒުއަށް އަމާޒުކޮށް ވަނީ “ކަލޭ މަރާލާނަން” މިހެން ލިޔެފަ އެވެ.
ފުލުހުންގެ ބުނީ މުއިއްޒަށް މަރުގެ އިންޒާރު ދިން މައްސަލައެއް ބަލައިދިނުމަށް އެދި ސިޓީއެއް ފޮނުވާފައިވާ ކަމަށެވެ. އެކަމާ ގުޅިގެން ބަލަންޖެހޭ ކަންކަން މިހާރު ބަލަމުން އަންނަ ކަމަށް ފުލުހުން ބުނެ އެވެ.
