އެމްޑީޕީގެ ޗެއާޕާސަންގެ މަގާމަށް ބޭފުޅަކު ހޮވުމަށް ބާއްވާ އިންތިހާބުގެ ވޯޓުލުން ކުރިޔަށް ގެންދިއުމަށް ނިންމާފައިވާ ވަގުތު އިތުރުކޮށްފިއެވެ.
މި އިންތިހާބުގެ ވޯޓުލުން ފަށާފައި ވަނީ މިއަދު ހެނދުނު 9:00ގައެވެ. މި އިންތިހާބުގެ ވޯޓުލުން މިއަދުގެ ހަވީރު 16:00އާ ހަމައަށް ކުރިޔަށް ގެންދިއުމަށް މީގެކުރިން ނިންމާފައިވީ ނަމަވެސް މިހާރު އެ ވަގުތު ވަނީ ހަވީރު 18:00އާ ހަމައަށް އިތުރުކޮށްފައެވެ.
އެމްޑީޕީގެ ޗެއާޕާސަންގެ މަގާމަށް ކުރިމަތިލެއްވީ އިކޮނޮމިކް މިނިސްޓަރު ފައްޔާޒު އިސްމާއީލާއި މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ (އިންތި)އެވެ.
މިއަދުގެ އިންތިހާބުގައި އެމްޑީޕީގެ ދަފްތަރުގައިވާ 94،000 ވުރެ ގިނަ މެންބަރުންނަށް ވޯޓް ލުމުގެ ހައްގު ލިބިފައިވެއެވެ. އިންތިޚާބުގެ ވޯޓުލުމަށްޓަކައި ޖުމްލަ 272 ވޯޓް ފޮށި ވަނީ ބަހައްޓާފައެވެ.
