1443 ވަނަ އަހަރު ރަމަޟާން މަހު ބްރޭކް ޓައިމް އިން ހިންގުނު ޕްރޮމޯޝަންގެ ނަސީބުވެރިން ހޮވައިފިއެވެ.
މި ޕްރޮމޯޝަންގެ ނަސީބުވެރިން ހޮވާފައި ވަނީ މިރޭ ބްރޭކް ޓައިމް ގައި ބޭއްވި ޚާއްސަ ހަފުލާއަކުންނެވެ. މިހަފުލާގައި ނަސީބުވެރިން ހޮވުމަށް ގުރުއަތު ނަގައިދިނީ އެކަމަށް ހައްސަކޮށް ދައުވަތު އެރުވިފައިވާ ކުޑަ ކުދިން ކޮޅެކެވެ.
އެއްވަނަ އިނާމަކަށް 32 އިންޗި ޓީވީއެއް ދޭން ހަމަޖެހިފައިވާއިރު 2 ވަނަ އިނާމަށް 4 ބޭފުޅަކަށް ރޭގަނޑު ފަރިއްކޮޅު، އަދި 3 ވަނަ އިނާމަށް 2 ބޭފުޅަކަށް ރޭގަނޑު ފަރިއްކޮޅު ލިބޭ މި ޕޮރޮމޯޝަން ގައި ބައިވެރި ކޮށްފައިވަނީ 100 ރުފިޔާއަށް ވުރެއްމަތިން ވިޔަފާރި ކުރި ފަރާތްތަކެވެ.
721 ކޫޕަން ހިމެނިފައިވާ ގުޅިން ފަހުރުވެރި އެއްވަނަ ހޮވުމަށް ގުރުއަތު ނަގައިދިނީ މުޙައްމަދު އަލްޠާފު އެވެ. ނަސީބުވެރިޔަކަށް ހޮވިފައިވަނީ ކޫޕަން ނަންބަރ 47 ކެވެ. އެކޫޕަން ލާފައިވަނީ ހދ.ހަނިމާދޫ، ރާސްތާ، މުޙައްމަދު މަފާޒު އެވެ.
ނަސީބުވެރިޔާ ހޮވުމުގެ ހަރަކާތް ކުރިޔަށް ދިޔައިރު މުޙައްމަދު މަފާޒު ހުރުމުން އޭނާއަށް ވަނީ އިނާމް ވަގުތުން ހަވާލު ކޮށްފައެވެ. އެ އިނާމް ހަވާލު ކޮދެވީ ބީތްރީ ކޮންސްޓްރަކްޝަން ކޮމްޕެނީ އެމް.ޑީ އިދުރީސް އަބުދު ﷲ އެވެ.
ދެ ވަނަ ނަސީބު ވެރިޔާގެ ކޫޕަން ނަގައި ދިނީ ފާތިމަތު ނައުވާ އެވެ. ދެ ވަނަ ނަސީބުވެރިޔަކަށް ހޮވިފައިވަނީ ކޫޕަން ނަންބަރ 720 އެވެ. އެކޫޕަން ލާފައިވަނީ ހދ.ހަނިމާދޫ، ސެމީ، ފާޠިމަތު އިސްމާއިލެވެ.
ތިންވަނަ ނަސީބު ވެރިޔާގެ ކޫޕަން ނަގައި ދިނީ ނަޒާލް ބިން ހުސައިނެވެ. ތިން ވަނަ ނަސީބުވެރިޔަކަށް ހޮވިފައިވަނީ ކޫޕަން ނަންބަރ 261 އެވެ. އެކޫޕަން ލާފައިވަނީ ހދ.ހަނިމާދޫ، ޑޭމްޒަމް، ފާހިމާ މުހައްމަދު އެވެ.
