ތަފާތުވެރިން؟؟
ޢަބުދުއްރަޙީމް ޢަބުދުއްރަޙްމާން، އަލިމަސްވިލާ / ހއ. އުތީމު
އެކިކަހަލައެކިވަރު ވެރިން ތިބެނީ އެކަންއެގޮތަށްވުމުން
ދެކިފަރިތަގާތް އެކުވެރިންމީ އަދިވަކިންމާ ދުރުބައެއް
ކެހިވެރިންނާ،އަދި ވަކިން އަނިޔާވެރިން މީގިނަބައެއް
ހެކިވެރިންނާ ޢަދުލުވެރި ގިނަމީހުނީއަދު މަދުބައެއް
އެންމެގިނައިންފެންނަނީއަދު ޙަސަދަވެރިވާ ގިނަބައެއް
ދެންނުބައި ނުލަފާ،ކިބުރުވެރި މީ،ވަކިންއަދިގިނަބައެއް
މާލުވެރިއަކު އަހުލުވެރިއަކު ނެތްކަމަށް ހީވާވަރަށް
ޙާލުބެލިދާ ފަދައެހާ ގާތް އަހުލުވެރިކަން ދުރުބައެއް
ކުށްވެރިން،އަނިޔާވެރިން އިންތިހާއަށް ގިނަތަނެއް
ޚުލްޤުވެރިޔަކު ކުލުނުވެރިޔަކު އެއްގޮތަށްމީ ނެތްބައެއް
އެކަނިވެރިކަން،ގިނަވެ،ތަނުގައި،އެކުވެރިންއަދުމަދުވުމުން
ދެކަނިވެރިވަނޭ އެހާހެޔޮ ޚުލްޤުވެރިކަން ނެތް ބައެއް
ބައްޕަނެތްނަމަ އަލަތުކާވެން ޏަށްވަލީވެރިއަކުހޯދުމީ
ލައްކަގިނައުނދަގު އެހެން ވެރިއަކު ނުވަމިދަތިބައެއް
ޤައުމުގައިތިއްބެވި އުޚުރަވެތި ޢިލްމުވެރި،މަދުޢާލިމުން
ފައުޅުގައިއަގު ވެއްޓިދާފަދަ ޢަމަލުކުރުމަށް މޮޅުބައެއް
އަދުޒިޔާރަތް ކޮށްއުޅޭގިނަ ފަތުރުވެރިވި މުސާފިރުން
މަދުވެގެންގޮސް ޢުޒުރުވެރިވާތަން ފެނުންގިނަވީބައެއް
ތެދުވެރިންްނާ،އަދިއުފަވެރިން އެންމެގާތް ލޮބުވެތިވެރިން
ދެދުނިޔޭންވެސް ނުފެނިދިއުމަށް އަދު އެދެމީގިނަބައެއް
ނިރުބަވެރިކަން ޢާއްމުވީމާ ބިރުހިތުންނުފިލާކަމުން
ދިރުވަމުން އަނިޔާމިތަނުގައި ޢާންމުކުރުވަންމޮޅުބައެއް
