ސުޕްރީމް ކޯޓު ރިސެސްއަށް ހިނގައްޖެ އެވެ.
މި މަހުގެ ފުރަތަމަ ދުވަހުން ފެށިގެން އަންނަ ޖެނުއަރީ މަހުގެ ފުރަތަމަ ރަސްމީ މަސައްކަތު ދުވަހާ ހަމައަށް ސުޕްރީމް ކޯޓު އޮންނާނީ ރިސެސްގަ އެވެ.
އެކަމަކު ކޮންމެހެން ނިންމަންޖެހޭ އަވަސް މައްސަލަތައް މިދިޔަ ހަފުތާގައި ވެސް ސުޕްރީމް ކޯޓުން ކުރިއަށް ގެންދިޔަ އެވެ.
ރިސެސްގެ މުއްދަތުގައި އަޑުއެހުންތައް ނުބޭއްވިޔަސް، މައްސަލަ ބަލައިގަތުމާއި އިދާރީ އެހެން މަސައްކަތްތައް ކުރިއަށް ގެންދާނެ އެވެ.
ސުޕްރީމް ކޯޓުގެ އިތުރުން ހައި ކޯޓާއި ދަށު ކޯޓުތަކުން ވެސް ކޮންމެ އަހަރެއްގެ ޑިސެމްބަރު މަހު ރިސެސްއަކަށް ދާނެ އެވެ. ބައެއް ކޯޓުތަކުން ޝަރީއަތްތައް އެއްކޮށް ހުއްޓާލުމުގެ ބަދަލުގައި އަޑުއެހުންތައް ބާއްވާ މިންވަރު މަދުކުރެ އެވެ.
